"Ötən iki ilə yaxın müddət ərzində Azərbaycan sülhün əldə olunması üçün çox böyük səylər göstərdi. Ermənistanın dəfələrlə törətdiyi təxribatlara baxmayaraq danışıqlar masasında sülhün əldə olunmasına inandı və Ermənistana öz şərtlərini diqtə etdi". Bu sözləri açıqlamasında Milli Məclisin deputatı Naqif Həmzəyev deyib.
Onun sözlərinə görə, avqust ayının əvvəlində Ermənistanın növbəti təxribatı baş tutdu: “Ancaq şəhidlərimizin qanı yerdə qalmadı. “Qisas” əməliyyatı keçirildi. Azərbaycan ərazilərində çox önəmli strateji yüksəkliklərə nəzarət bərpa olundu. Burada nəzarəti bərpa etməklə Azərbaycan ərazisində hələ də mövcud olan qanunsuz erməni silahlı dəstələrinin fəaliyyəti tam nəzarətə götürüldü və mümkün ola biləcək təxribatların sayı, ehtimalı aşağı endirildi. Bu əməliyyatdan sonra Rusiyada növbəti görüş baş tutdu. Görüşdə əldə olunan razılıqlar bizi sülhə daha da yaxınlaşdırdı, ümidlərimiz artdı. Ancaq nə bilək ki, Ermənistan, xüsusilə də erməni siyasi rəhbərliyi danışıqlar masasında vaxt udmaq və Azərbaycana sülhün sözünü verib, əslində isə qisas üçün hazırlanır. Sentyabr ayının 13-də gecə saatlarında Ermənistan növbəti təxribatını törətdi. Bu xaincəsinə törədilən təxribat nəticəsində Azərbaycan Silahlı Qüvvələrinin zabit və əsgərləri şəhid oldu. Bu təxribatın qarşısında, əlbəttə ki, Azərbaycan Ordusu boş dayanmamalı idi. Şəhidlərimizin qisası alınmalıydı. Azərbaycan üçün təhlükə yaradan hərbi obyektlər, postlar, hərbi texnikalar darmadağın edilməli idi və belə də oldu. Qəhrəman əsgərlərimiz, rəşadətli Ordumuz bu xəyanəti dəf etdi. Şərti sərhəd boyu yerləşən erməni obyektləri məhv edildi. Ermənistanın ən azı 400- ə yaxın hərbçisi yaralandı".
Deputat bildirib ki, baş verən hadisələri təmamilə başqa cür şərh edən, məcrasından çıxararaq deyən “sapı özümüzdən olan baltalar” hələ də var: "Bu adamlara müəyyən dərəcədə dəstək verənlər də tapılır. Bu “sapı özümüzdən olan baltalar” erməninin dəyirmanına su tökür, erməninin sözünü deyirlər. Döyüşlərin Azərbaycan tərəfindən başladıldığını, Ermənistan ərazisinə hücum edildiyini iddia edənlər var. Zəngəzur, İravanın və digər torpaqların heç kimə lazım olmadığını deyən və bu döyüşləri dayandırmağı tələb edən “tarixçilərimiz” də var. Baş verən hadisələri Rusiyanın Paşinyanı cəzalandırmaq istədiyi kimi qiymətləndirən və qeyri-şərtsiz döyüşləri dayandırmağı tələb edən “siyasətçilərimiz” var. Özünü “müxalifət lideri” adlandıran şəxslər var. Həqiqətən də bu yanaşma bizi çox üzür, narahat edir. Bir şeyi unutmamalıdırlar ki, canı, qanı bahasına torpaqlarımızı düşməndən azad edən qəhrəman övladlarımız bu gün də Ordumuzun, Xalqın, Ali Baş Komandanın yanındadır. Biz sülh istəyirik, müharibə yox. Onsuz da istədiklərimizi əldə etmişik, torpaqlarımızı işğaldan azad etmişik. Təəssüflər olsun ki, bizim qonşumuz ermənilərdir. Eməninin hansı cür xəyanət edəcəyini heç kim qabaqcadan bilmir. Bu xalq söz verir, öhdəlik götürür, amma yerinə yetirmir. Ermənilər bizim torpaqlarımıza gəlmədir, onlar heç bir zaman burada yaşamayıblar. Zəngəzur, İrəvan, Göyçə, Vedibasar, Zəngibasar Azərbaycanın tarixi torpaqlarıdır. İravan 1918- ci ilə qədər azərbaycanlıların yaşadığı əsas şəhərlərdən biri olub. Tariximizi bilməyənlər anlamalıdırlar ki, biz nəyin bahasına olursa- olsun bu regionda sülhü qoruyub saxlamaq üçün güclü olmalıyıq. Ermənistana həmişə gücümüzü göstərməliyik. Çünki Ermənistan sözlə nəyisə anlamır, hər vəchlə Azərbaycan türkündən qisas almaq istəyir. İstənilən halda “sapı özümüzdən olan baltalar”- əli kərimlilər, məhəmməd mirzəlilər, altay göyüşovlar gec və ya tez Azərbaycanın uğurlarına sevinəcəklər, haqqı nahaqdan seçməyi öyrənəcəklər. Azərbaycan xalqı Prezidentimizin, Ordumuzun yanındadır. Azərbaycan xalqının inancı "Dəmir yumruq"dur. Bir şeyi əminliklə deyə bilərik ki, 44 günlük müharibədə qələbə qazandığımız kimi, bundan sonra baş verəcək bütün təxribatların qarşısı da uğurla alınacaq. Eşq olsun Azərbaycana”.