"İstənilən halda baş vermiş hadisələrə görə, Ermənistanın siyasi rəhbərliyi məsuliyyət daşıyır"
Bu sözləri YAP Nəzarət Komissiyasının üzvü, Milli Məclisin deputatı Naqif Həmzəyev açıqlamasında bildirib.
"Erməni təxribatının arxasında hansı xarici qüvvələrin olub-olmadığını söyləmək çox çətindir, çünki baş vermiş bu təxribat oyunun görünən tərəfidir. Proseslər bəzi qaranlıq məqamları da ortaya qoyacaqdır, istənilən halda yaxın müddətdə Şanxay İqtisadi Əməkdaşlıq Təşkilatının növbəti toplantısı gözlənilir. Düşünürəm ki, liderlər bu məsələyə də toxunacaqlar. Qeyd edilən toplantıda prezident İlham Əliyevlə Rusiyanın lideri Vladimir Putinin görüşü nəzərdə tutulur. Həmin görüşdə Paşinyan da iştirak edəcək. Görünən odur ki, Ermənistana bu məsələlərə dair ciddi təzyiqlər göstəriləcəkdir”.
N.Həmzəyev sonda bunları vurğulayıb:
“Ermənistana mütləq sanksiyalar tətbiq olunmalıdır, çünki hansısa qüvvələrin bu təxribatı dəstəkləməsi onların məhvə sürükləməsi ilə yanaşı olmayan müstəqilliklərinin də sonunu gətirib çıxara bilər. Bununla da, Ermənistan xalqı daha rəzil, daha biabırçı vəziyyətə düşə bilər”.