Postmüharibə dövründə iki ölkənin münasibətləri daha da möhkəmlənir
Azərbaycan-Türkiyə münasibətləri dövlətçilik tarixində ən yüksək mərhələsini yaşayır. Bu münasibətlərin əsası Heydər Əliyevin “Bir millət, iki dövlət” kəlamı, həmçinin Azərbaycan Predenti İlham Əliyev və Türkiyə Prezidenti Rəcəb Tayyib Ərdoğanın şəxsi dostluq və qardaşlıq münasibətlərinə görə daha da möhkəmlənir. 44 günlük Vətən müharibəsi dövründə də Türkiyə Prezidenti Rəcəb Tayyib Ərdoğanın verdiyi bəyanatlar Azərbaycana mənəvi dəstək oldu və Azərbaycanı beynəlxalq təzyiqlərdən qorudu və böyük Qələbəyə doğru inamla addımlamağa şərait yaratdı.
Türkiyə həmçinin, tranzit layihələrinin, işğal altındakı torpaqlarımızın yenidən qurulmasında da daim Azərbaycanın yanında oldu. Türkiyə Prezidenti Rəcəb Tayyib Ərdoğanın Azərbaycana, Füzuli Beynəlxalq Hava Limanının açılışına gəlməsi hər iki ölkənin gələcək inkişafı üçün növbəti mühüm addımdır.
Qeyd edək ki, Türkiyə prezidenti Rəcəb Tayyib Ərdoğan bu gün Azərbaycana səfər edib. Hər iki dövlət başçısı Füzuli və Zəngilanda bir sıra mühüm infrastruktur obyektlərinin açılışında iştirak edib.