Qazaxıstanda keçirilən parlament seçkilərində hakim “Nur Otan” partiyası qalib gəlib.
Partiya 5 148 074 səs (71.09 %) qazanıb.
Səsvermə nəticələrinin ardından üç partiyanın – “Nur Otan” , “Ak Jol” (10,95%) və Qazaxıstan Xalq Partiyasının (NPK) (9,10%) parlamentə daxil olduğu qeyd edilir.
Bazar günü Qazaxıstanda Məclisə partiya siyahısı ilə millət vəkillərinin seçkisi keçirilib. Məclisə 107 deputat daxildir, onlardan 98-i gizli səsvermə yolu ilə partiya siyahıları, qalan doqquz millət vəkili isə Qazaxıstan Xalq Assambleyası tərəfindən seçilib.
Qeyd edək ki, Milli Məclisin deputatları Arzu Nağıyev Müstəqil Dövlətlər Birliyinin Parlamentlərarası Assambleyasının və İcraiyyə komitəsinin, Naqif Həmzəyev isə TÜRKPA-nın xətti ilə seçkiləri izləyiblər.