![Naqif Həmzəyev: ““Human Rights Watch”ın hesabatı erməni yalanının ifşası deməkdir” Naqif Həmzəyev: ““Human Rights Watch”ın hesabatı erməni yalanının ifşası deməkdir”](https://hamzayev.az/uploads/posts/2020-12/1608116201_naqif-hemzeyev.jpeg)
“Human Rights Watch” təşkilatı Ermənistan silahlı qüvvələrinin Azərbaycanın dinc sakinlərinə və mülki obyektlərinə qarşı raket hücumları ilə bağlı apardığı araşdırmalara dair növbəti hesabatı erməni vandalizminin, barbarlığıının daha bir təsdiqidir.
Bunu “Ölkə.Az”a açıqlamasında Milli Məclisin deputatı Naqif Həmzəyev bildirib.
Millət vəkili qeyd edib ki, təşkilatın “Ermənistan Azərbaycana qarşı ‘klastr bombalarından istifadə edib” adlı hesabatı açıq-aydın klastr sursatlardan istifadənin müharibə qanunlarının pozulduğunu təsdiq edir.
“Noyabr ayında təşkilatın araşdırmaçıları Azərbaycana səfəri zamanı faşizm ideologiyasından qaynaqlanan Ermənistan hakimiyyətinin müharibə çinayətlərini öz gözləri ilə görüdülər. Erməni vandalizminin şahidi olan təşkilatın qonaqları hesabatda Azərbaycanın üç rayonunda kasetli silah-sursatdan istifadə olunduğu dörd hücumu sənədləşdiriblər. Bu hücumlar nəticəsində 2-si uşaq olmaqla, ən azı 7 mülki şəxs həlak olub, eyni zamanda, 2-si uşaq olmaqla, 20 mülki şəxs yaralanıb. Hesabatda bu ilin oktyabr ayında Bərdə şəhərinə atılan və 21 mülki şəxsin ölümünə, 70 nəfərin yaralanmasına səbəb olan kasetli silah hücumu da sənədləşdirilib”-millət vəkili vurğulayıb.
O əlavə edib ki, təşkilatın nümayəndələri noyabrın 27-də Yerevanda Ermənistan Xarici İşlər Nazirliyinin rəsmisi ilə görüşüblər: “Nazirliyin rəsmisi Ermənistan ordusunun hərbi arsenalında kasetli silah-sursatların olmasını təkzib edib. Bütün dünyada olduğu kimi Qrumun hesabatında da erməni yalanları ifşa edilib. Belə ki, hesabatda standart beynəlxalq nəşrlərə istinadla qeyd olunur ki, Ermənistanın arsenalında "Toçka” və "İsgəndər” ballistik raketləri, "Smerç” və Çin istehsalı olan WM-80 yaylım atəşi sistemləri var. Bunların hamısı kasset bombalı başlıqlar yaya bilir. Sənəddə vurğulanıb ki, Dağlıq Qarabağdakı qüvvələrin klaster sursatları olmadığından bu hücumları ya Ermənistan qüvvələri həyata keçirib, ya da Dağlıq Qarabağdakı qüvvələri sursatla təmin edib. Bu da növbəti erməni yalanının ifşası deməkdir”.