“Sentyabrın 1-də keçirilən növbədənkənar parlament seçkilərində Azərbaycan seçiciləri layiqli namizədlərinə səs verdilər. Şükürlər olsun ki, Yeni Azərbaycan Partiyası növbəti dəfə qələbə çaldı”.
Bu sözləri açıqlamasında VII çağırış Milli Məclisin deputatı Naqif Həmzəyev deyib.
O bildirib ki, Gəncə şəhərində də seçki çox fəal şəkildə təşkil edilib: “Seçicilər aktivlik nümayiş etdirdilər. İstirahət günü olmasını, bəzi seçicilərimizin, vətəndaşlarımızın məzuniyyətinin bitməməsini və yay tətilinin başa çatmamasını nəzərə alsaq, düşünürəm ki, bu seçki fəallığını müsbət dəyərləndirə bilərik. Şükürlər olsun, mənim YAP tərəfindən namizədliyimin irəli sürüldüyü 38 saylı Gəncə birinci seçki dairəsində də aktivlik müşahidə etdik. Mənə səs verən, dəstəkləyən, Partiyamıza dəstək olan bütün seçicilərə dərin təşəkkürümü bildirirəm. İnanıram ki, bu seçkilər Azərbaycan xalqı, dövləti üçün uğurlu olacaq. Yeni formalaşacaq parlament Azərbaycan dövlətçiliyi, xalqın sosial rifahının yaxşılaşdırılması üçün çox müsbət işlər həyata keçirəcək”.