Qarabağda yaşayan ermənilərin təhlükəsizliyi üçün beynəlxalq statusa ehtiyac yoxdur.
Bu sözləri açıqlamasında millət vəkili Naqif Həmzəyev deyib. Millət vəkili bildirir ki, Ermənistan Azərbaycanın daxili işinə qarışmamalı, öz üzərinə götürdüyü öhdəlikləri yerinə yetirməlidir:
” Ermənistan üzərinə götürdüyü öhdəliklərə əməl edərsə, normallaşma prosesi sürətli şəkildə baş tutacaq. Sülhün də əldə olunması gözləniləndir. Ermənistanın manipulyasiya və manevr imkanları da getdikcə daralır. Burada sonuncu həlqə Brüssel görüşü idi. Artıq elə bir vəziyyət yaranıb ki, Ermənistan öhdəliklərini pozarsa, Avropa İttifaqı və Ermənistanı dəstəkləyən qüvvələr qarşısında da öz kreditini tükətmiş olacaq. Ermənistan tək çıxış yolu sülh müqaviləsini təxirə salmadan imzalamaqdır. Qarabağ ermənilərinin hüquq və təhlükəsizliyi üçün beynəlxalq təcrübəyə ehtiyac yoxdur. Azərbaycan multikulturalizm sahəsində çox irəlidədir. Azərbaycanda bütün xalqlar təhlükəsizlik və rahat yaşayırlar. Buna görə də ermənilərə hər hansı beynəlxalq status verməyə də ehtiyac yoxdur”.