Dünya Covid-19 xəstəliyinə tutulandan sonra dövlətimiz vətəndaşlarının təhlükəsizliyini hərtərəfli qorumağdan ötrü çox mühüm addımlar atıb. Atılan addımlardan biridə quru sərhədlərin bağlanması oldu.Ancaq indi ölkəmizdəki epidemioloji vəziyyət müsbət qiymətləndirilsədə karantin rejimi yanvarın 1-ə qədər uzadılıb.İndi hamını düşündürən bir məsələ var.
Ölkədəki vəziyyət müsbətdirsə, quru sərhədlər bəs niyə açılmır? Sualımıza cavab tapmaq üçün Milli Məclisin deputatlarına müraciət etdik.
Milli Məclisin deputatı Naqif Həmzəyev açıqlamasında, quru sərhədlərin Operativ Qərargah tərəfindən məqsədə uyğun hesab edilmədiyini, həmçinin qlobal məkanda baş verən təhdidlər, qonşu və yaxın ölkələrdə bəzi problemlərə görə bağlı qaldığını bildirdi.
“Hər kəsə bəllidir ki, Azərbaycanda karantin rejiminin müddəti uzadılıb. Bununla əlaqədar quru sərhədlərin açılması mümkün deyil. Ancaq buna baxmayaraq hava yolları vasitəsilə səfərlər təşkil edilir. Qlobal məkanda baş verən təhdidlər, qonşu və yaxın ölkələrdə bəzi problemlər var ki, buda Azərbaycanın milli təhlükəsizliyinə bəzi təhdidlər doğurur. Bu baxımdanda quru sərhədlərin açılması Operativ Qərargah tərəfindən məqsədə uyğun hesab edilməyib. Düşünürəm ki, vətəndaşlarımız bunu düzgün anlayırlar. Azərbaycan vətəndaşlarının təhlükəsizliyini qorumaq üçün belə bir qərar verilibdir.Biz ümid edirik ki, yaxın gələcəkdə qonşu ölkələrdə, qlobal məkanda bu təhdidlər aradan qalxacaq .Həm pandemiya, həmdə digər səbəblərlə bağlı. Hər kəs anlamalıdır ki, quru sərhədlərin bağlı qalması təkcə vətəndaşlar üçün deyil, dövlətimiz üçün də müəyyən problemlər yaradır. Ancaq buna baxmayaraq biz bunu etməyə məcburuq. Operativ Qərargahda bununla bağlı dəfələrlə açıqlama verib.İnsalarımız bunu təmkinlə qəbul edəcəklər.Ümid edirk ki, ən qısa zamanda quru sərhədlər açılacaq.”
Millət vəkili Cavid Osmanov açıqlamasında xalqımızın milli təhlükəsizliyi baxımından bunun vacib olduğunu bildirdi.
“Quru sərhədlərin bağlı qalması xalqımızın milli təhlükəsizliyi baxımından çox önəmlidir. Çünki dünyada baş verən hadisələr, xüsusən də Rusiya-Ukrayna arasında yaranmış münaqişə, İranın daxilində əhalinin kütləvi etirazlara qalxması, qarşıdurmanın yaranması, İran hakimiyyətinə qarşı ciddi şəkildə narazılığın, iğtişaşların baş verməsi, əlbəttə ki, bütün bunlar Azərbaycanın daha effektli tədbirlər görməsinə zəmin yaradırdı. Çünki dünyada baş verən qlobal hadisələrin fonunda dövlətçiliyimizin, müstəqliyimizin, xalqımızın təhlükəsizliyinin qorunması məsələsi Azərbaycan dövləti üçün hər zaman prioritet məsələ kimi müəyyənləşdirilmişdir. Görünür, bu məsələlər də təhlükəsizlik istiqamətində atılmış addımların bir tərkib hissəsidir. Bu baxımdan, baş verən hadisələr onu göstərir ki, Azərbaycan dövləti qabaqlayıcı tədbirlər görməklə, istənilən təhdidlərin qarşısının alınması istiqamətində mühüm addımlar atmışdır.