Vətən müharibəsi iştirakçılarını, qazi və şəhid ailələrini daim diqqətdə saxlıyan Yeni Azərbaycan Partiyası Gəncə şəhər təşkilatının sədri Naqif Həmzəyevin göstərişi ilə partiya üzvləri növbəti dəfə qazi olan hərbiçilərimizi və şəhid ailələrini ziyarət ediblər. Torpaqlarımızın düşməndən təmizlənməsi və ərazi bütövlüyümüzün bərpası uğurunda döyüşərək sağlamlığını itirən qaziləri və bu yolda ali zirvəyə ucalan şəhidlərin ailələrinə baş çəkən, onların qayğıları ilə yaxından maraqlanan təşkilat üzvləri hər zaman lazımı köməkliyin göstərilməsi üçün hazır olduqlarını ifadə ediblər.
Qeyd edək, Yeni Azərbaycan Partiyası Gəncə şəhər təşkilatı qazi və şəhid ailələrinə maddi və mənəvi dəstək olmaq üçün mütəmadi olaraq müxtəlif aksiyalar təşkil edir.
