YAP Gəncə şəhəri təşkilatı 1 saylı ərazi ilk partiya təşkilatının videoformatda iclası keçirilib.
İclasda ərazi ilk partiya təşkilatının hesabatı dinlənilib, gündəlikdə duran məsələlər müzakirə olunub.
YAP Gəncə şəhər təşkilatının sədri, millət vəkili Naqif Həmzəyev çıxış edərək, Ulu öndər Heydər Əliyev tərəfindən yaradılan Yeni Azərbaycan Partiyasının fəaliyyəti ilə ölkəmizin, xalqımızın həyatını kökündən dəyişməklə yanaşı, dövlətçilik tariximizdə yeni mərhələnin əsasını qoyduğundan, eyni zamanda hakim partiyanın öz siyasi xəttinə sadiqliyindən, xalq, dövlət qarşısında xidmətlərindən danışıb. Millət vəkili onu da qeyd edib ki, YAP Gəncə şəhər 1 saylı ərazi ilk partiya təşkilatı Gəncə şəhərində yaradılan ilk ərazi partiya təşkilatı olub və təşkilatımızın fəaliyyətində xüsusilə fərqlənən ərazi ilk partiya təşkilatı kimi bir çox uğurlara imza atıb.
ADAU-nun rektoru İbrahim Cəfərov ümumxalq partiyasının ölkəmizin bir-birini əvəzləyən uğurları ilə cəmiyyətdəki mövqeyini daha da möhkəmləndirdiyini qeyd edib, Prezident İlham Əliyevin rəhbərliyi ilə Yeni Azərbaycan Partiyası dəyərlərinin yüksək səviyyədə qorunması və daha da inkişaf etdirilməsi nəticəsində partiya üzvlərinin sayının günü-gündən artırdığını xüsusi ilə vurğulayıb.
Azad Bayramov, Zümrüd Qəhrəmanova, Məhərrəm İsmayılov, Camaləddin Məmmədov, Asəf Qasımov, Orxan Muradzadə, Çinarə Səfərova və digərləri çıxış edərək, YAP Gəncə şəhər 1 saylı ərazi ilk partiya təşkilatının fəaliyyətindən, iş təcrübəsindən danışıblar.
Sonra ərazi ilk partiya təşkilatının İdarə Heyətinin üzvləri və partiya fəallarının yekdil qərarı ilə Azad Bayramov YAP Gəncə şəhər 1 saylı ərazi ilk partiya təşkilatına sədri, Elgün Aslanov və Fazilə Əliyeva sədr müavinləri seçiliblər.