Xarici işlər naziri Ceyhun Bayramovun ölkəmizdə səfərdə olan ATƏT-in Demokratik Təsisatlar və İnsan Haqları Bürosunun Seçkiləri Müşahidə Missiyasının rəhbəri Ditmir Buşatinlə görüşü zamanı bir fikri diqqətə səbəb olub.
Belə ki, XİN rəhbəri 1 sentyabr -parlament seçkiləri ilə bağlı danışarkən “ATƏT/DTİHB missiyasını seçkilərin müşahidəsi prosesində obyektivlik və qərəzsizlik nümayiş etdirməyə” çağırıb.
Açıqlamasında deputat Naqif Həmzəyev nazirin bu çağırışının yerində olduğunu deyib: “Ötən illərin təcrübəsi göstərib ki, ölkəmizdə keçirilən seçkilərin nəticələsinə dair hesabatlar qərəzli olub. Ona görə də cənab nazir haqlı olaraq belə bir çağırış edib”.
Deputatın sözlərinə görə, parlament seçkiləri yüksək səviyyədə keçiriləcək: “Ölkənin qeydiyyatdan keçən bütün partiyaları, vətəəndaş cəmiyyəti qurumları bu seçkiyə qoşulub. Ölkədə seçki mühiti olduqca yüksək səviyyədə gedir”.
