Mayın 26-da Prezident İlham Əliyevin imzaladığı Əfv sərəncamına əsasən 154 məhbus azadlığa buraxılıb.
Milli Məclisin deputatı Naqif Həmzəyev bildirib ki, prezident İlham Əliyev tərəfindən bu məsələlərə daim humanist yanaşmanın şahidi olmuşuq. Vətəndaşların müraciətləri əsasında məhbusların həbs müddətinin azaldılması,həbsdən azad olunmaları, şərti cəzalarının aradan qaldırılması məsələlərinə humanist yanaşma həqiqətən təqdirəlayiq addımdır:
"Azərbaycanda insan haqlarının qorunması və müdafiə edilməsi həmişə prioritet sahələrdən olub. Xüsusilə cənab prezident İlham Əliyev tərəfindən bu məsələlərə daim humanist yanaşmanın şahidi olmuşuq. Biz müxtəlif dövrlərdə əfv sərəncamlarının, amtistiyaların verilməsinə şahidlik etmişik .Məhz Azərbaycan Respublikasının müstəqllik günü ərəfəsində cənab prezident İlham Əliyev tərəfindən növbəti sərəncam əsasında 154 məhbusun əfv olunması mütərrəqi addımlardan biridir və məhz vətəndaşların müraciətləri əsasında onların həbs müddətinin azaldılması,həbsdən azad olunmaları, şərti cəzalarının aradan qaldırılması məsələlərinə humanist yanaşma həqiqətən təqdirəlayiq addımdır. Bu məhbuslar içində elə insanlar var ki, həqiqətən də cəzalarını çəkdikləri müddətdə islah olunduqlarına inam çoxdur. Biz ümid edirik ki, bu vətəndaşlar normal həyata qayıtdıqdan sonra bir daha bu cür əməllər törətməyəcəklər və digər məhbuslar üçün bu, çox yaxşı addımdır. Onlar da növbəti əfv sərəncamını gözləyirlər. Onlar da cəzaçəkmə müəssisələrində nümunəvi olmağa çalışırlar. İstənilən halda bu addımı alqışlayırıq və ümid edirik ki, nə vaxtsa elə bir zaman gələcək ki, Azərbaycanda məhbusların sayı çox çox az olacaq. Azərbaycanda törədilən cinayətlərin sayı çox aşağı olacaq və biz cəmiyyət olaraq qanunlara hörmət edən, az cinayətin törədildiyi ölkədə yaşayacağıq".