Bu gün “Qarabağ üçün oxu” komandası məşhur layihənin 3-cü buraxılışını izləyicilərə təqdim edib. Bu dəfə layihənin iştirakçıları Azərbaycan musiqisinin qızıl fonduna daxil olan inciləri – “Nə bəxtiyardıq” və “Yaşayır insan” mahnılarını ifa ediblər.
Layihənin üçüncü buraxılışı Azərbaycan Respublikası Mənəvi Dəyərlərin Təbliği Fondu və “Kontakt Home” mağazalar şəbəkəsinin dəstəyilə hazırlanıb.
Xatırladaq ki, “Qarabağ üçün oxu” məşhur qlobal layihənin (“Playing for Change”, “Doğa için çal” ) Azərbaycan versiyasıdır. İlk dəfə AzVision.az saytının dəstəyilə ərsəyə gələn layihənin komandası “Səslərimizi Qarabağ üçün birləşdirək” devizi altında çalışırlar. Düşüncəmiz budur ki, Qarabağı hər an xatırlatmaq üçün hər kəs əlindən gələni etməlidir.
Qeyd edək ki, layihədə millət vəkili Naqif Həmzəyev milli xalq çalğı aləti- tarda, Türkiyənin millət vəkili Zeynep Yıldız isə kamancada ifa ediblər.