"Nə uşaqlıq yaşamışamsa 5 yaşıma qədər Qərbi Azərbaycanda yaşamışam".
Bu sözləri Qərbi Azərbaycanın ( indiki Ermənistan respublikası)
Göyçə mahalı Nərimanlı kəndinin keçmiş sakini və Milli Məclis deputatı Naqif Həmzəyev söyləyib.
"O, ərazilərdə 5 ilə yaxın bir müddət yaşamağıma rəğmən, o günləri çox yaxşı xatırlayır və çox darıxıram. Xatırlayıram ki, o, əraziləri tərk etdikdə, maşınımızda uzun müddət ağlamışdım. Uşaqlığımın ən gözəl və xoşbəxt illərini orada keçirmişəm, oradan gəldiyimiz gündən etibarən isə artıq həmişə böyüdüyümü hiss etmişəm".
Deputat, müsahibəsində Qərbi azərbaycanlıların deportasiyası zamanı və öncəsi ermənilərin onlara - Qərbi azərbaycanlılara, türk millətinə göstərilən münasibətlərinə də toxunub:
"Xatırladığım qədərilə deyə bilərəm ki, xoş münasibət sahibi olduğumuz ermənilərlə deportasiya ərəfəsində anidən həmin o əlaqələrimizi korlandı. Aqressiv davranmağa, insanlara qarşı təzyiqlər etməyə başladılar. Biz o əraziləri ailəmlə tərk edəndə, digər bütün köç sakinləri kimi müvəqqəti olacağını düşünmüşdük. Lakin o, cür olmadı. Ümid edirəm ki, möhtərəm prezidentimizin siyasəti nəticəsində, yaxın müddətdə həmin münasibətlər bərpa olunacaq və biz o ərazilərimizə rahatlıqla qayıdacayıq".
Xatırladaq ki, müsahibə Beynəlxalq Avrasiya Mətbuat Fondunun Azərbaycan Respublikası Qeyri-Hökümət Təşkilatlarına Dəstək Agentliyi ilə birlikdə həyata keçirtdiyi Qərbi Azərbaycanlıların Deportasiyasının virtual muzeyinin yaradılması ilə əlaqədar layihə çərçivəsində keçirilib.