Əsası Ümummilli lider Heydər Əliyev tərəfindən qoyulan Dövlət Gənclər siyasətinin Prezident İlham Əliyev tərəfindən uğurla davam etdirilməsinin nəticəsidir ki, bu gün Azərbaycan gəncləri bütün sahələrdə özlərini doğruldurlar.
Bakı Dövlət Universitetinin təşkilatçılığı, “Hazel” və “Big Education” Şirkətlərinin tərəfdaşlığı və Ölkənin İnsan resursları sahəsində ixtisaslaşmış, 10 ildən çox fəaliyyət göstərən, Dövlət və Özəl qurumlara insan resursları sahəsində böyük töhvələr verərək, talantlı və strateji namizədlərin seçiminə və strategiyasına böyük dəstəklər vermiş, Azərbaycanın Gənc və İstedadlı Qadın Sahibkarlarından olan “Talent Staff and Business Solutions” Şirkətinin rəhbəri Sevda Quliyevanın təşəbbüsü və Fəxri qonaq olan Azərbaycan Respublikası Milli Məclisin deputatı Naqif Həmzəyevin iştirakı ilə “Gənclərin inkişafı və karyera “ mövzusunda tələbələrlə görüş keçirilmişdir.
Görüşdə tələbələrin seçdiyi ixtisasdan asılı olaraq və ya olmayaraq düzgün peşə seçimi, fərdi və karyerada inkişaf metodları, iş seçimi qaydaları, iş seçimi zamanı diqqət yetirilməli olan nüanslar, müsahibə və müsahibənin etik qaydaları, karyera planlaması və karyerada yüksəliş, Şirkətlərin insan resursları sahəsində kadr seçimi və siyasəti, insan resursları strategiyası və növləri barədə bilik və təcrübələr tələbələrlə bölüşülmüşdür. Şirkətin rəhbəri Sevda Quliyeva və Millət vəkili Nagif Həmzəyev çıxış edərək son illərdə Prezident İlham Əliyevin rəhbərliyi altında gənclərə təhsil, karyera, xaricdə təhsil, istərsədə digər sahələrdə həyata keçirilən məqsədyönlü siyasətin ölkəmizə qazandırdığı uğurlardan danışmış, tələbələrin naalliyyətlərini istər ölkənin qabaqcıl qurumlarında , istərsədə xarici ölkələrdə görməyin qürurverici olduğunu vurğulamışdır.
Eyni zamanda Sevda Quliyeva gənc nəslin keyfiyyətli, beynəlxalq standartlara uyğun təhsil alması, peşəkar kadrların hazırlanması istiqamətində Ölkədə həyata keçirilən siyasətin, bu istiqamətdə aparılan işlərin əsası Ulu öndər Heydər Əliyev tərəfindən qoyulduğunu xüsusilə vurğulamışdır.
