Naqif Həmzəyev: “Bizim ordumuz öz gücünü müharibədə sübut edib, onlar isə yox”
“Azərbaycan Ordusu dünyanın 50 deyil, 10 ən güclü ordusundan biridir, çünki bizim ordumuz öz gücünü müharibədə sübut edib, amma digər orduların çoxu yox”.
Bunu açıqlamasında millət vəkili Naqif Həmzəyev bildirib. Millət vəkili qeyd edib ki, məhz bu səbəbdən də Azərbaycan Ordusu beynəlxalq reytinq cədvəlində ilk onluqda qərarlaşmalıdır:
“XXI əsrdə Vətən müharibəsi kimi modern və sürətli bir müharibə aparmaq, mürəkkəb coğrafi relyefdə belə parlaq qələbə əldə etmək böyük qəhrəmanlıq və peşəkarlıq tələb edir. Azərbaycan Silahlı Qüvvələri öz peşəkarlığı real döyüş meydanında ortaya qoydu. Hərbi əməliyyatların gedişi göstərdi ki, Azərbaycan Ordusu bütün mümkünsüzləri mükün etməyə qadirdir.
Təsadüfi deyil ki, müharibədən sonra da dünyan ın ən qüdrətli dövlətləri Azərbaycan Ordusunun Vətən müahribəsindəki döyüşlərini öyrənməkdə, bu sahədə ciddi araşdırmalar aparmaqda, öz heyranlıqlarını ifadə etməkdədirlər. Bu faktın özü bir daha göstərir ki, Azərbaycan Ordusu praktiki döyüş bacarığına görə dünya miqyasında ilk 10-luğa layiq ordudur və biz öz ordumuzla fəxr edirik”.