“İlham Əliyev və Rəcəb Tayyip Ərdoğan arasında olan dostluq, qardaşlıq münasibətləri dövlətlərimizi və xalqları bir- birinə daha da bağlayır”.
Bu sözləri açıqlamasında millət vəkili Naqif Həmzəyev deyib. Millət vəkili bildirir ki, Azərbaycan və Türkiyə birlikdə addımlayaraq ciddi siyasi gücə çevrilib:
“Azərbaycan – Türkiyə münasibətlərinin bu səviyyəyə çatmasında Azərbaycan Prezidenti İlham Əliyev ilə Türkiyə Prezidenti Rəcəb Tayyib Ərdoğan arasında olan dostluq, qardaşlıq münasibətlərinin çox böyük rolu oldu. İkili yaxınlıq xalqlarımızı və dövlətlərimizi daha da bir – birinə bağladı. Azərbaycan – Türkiyə arasında Sovetlər dövründə yaranan soyuqluq tamamən yoxa çıxdı. Xüsusilə, Şuşa Bəyannaməsindən sonra hər kəs bilir ki, Azərbaycan və Türkiyə birlikdə addımlayaraq ciddi siyasi gücə çevrilib. Türkiyənin Azərbaycana 44 günlük müharibəsində verdiyi mənəvi dəstək hər kəsə bəllidir. Bundan sonra da biz bu münasibətlərin inkişafını müşahidə edəcəyik”.
Qeyd edək ki, R.T.Ərdoğan bu gün Türkiyə Böyük Millət Məclisində (TBMM) and içib və səlahiyyətlərinin icrasına başlayıb.
Xatırladaq ki, mayın 14-də baş tutan seçkilərdə prezidentliyə namizədlərdən heç biri 50 %-dən çox səs toplaya bilməyib. Mayın 28-də keçirilən ikinci turda “Cümhur İttifaqı”nın prezidentliyə namizədi, hakim Ədalət və İnkişaf Partiyasının (AK Parti) sədri Rəcəb Tayyib Ərdoğan 52,18 faiz səslə növbəti 5 il üçün prezident seçilib.