“Cənab prezidentin öncədən uzaqgörən siyasəti ilə TANAP və TAP layihələrini reallaşdırması faktiki olaraq Rusiya-Ukrayna mühaibəsi zamanı Avropanın enerji təhlükəsizliyində çox böyük rol oynadı. Hazırda Balkan ölkələrinin qaz təchizatında Azərbaycan aktiv iştirak etməkdədir”.
Bunu açıqlamasında deputat Naqif Həmzəyev deyib. Onun sözlərinə görə, bu, ümumilikdə Avropanın enerji bazarında çox böyük yer tutmasa da, Balkan ölkələri üçün Azərbaycan qazının ciddi əhəmiyyəti var: “Həmçinin İtaliya, Yunanıstan, Türkiyə və Gürcüstana da bu qazın nəql edilməsi Azərbaycanın mövqeyini daha da gücləndirir. Bu baxımdan da Avropa İttifaqı Azərbaycanı və cənab prezidenti tərəfdaş olaraq qəbul edir”.
Deputat qeyd edib ki, Azərbaycan bu cür siyasi dialoqlarda daha əzmkarlıqla iştrak edir və onun mövqeyi digər dövlətlər tərəfindən də dəstəklənir: “Azərbaycan görüşün harada keçirilməsindən, vasitəçilərn kim olmasından asılı olmayaraq mövqeyini açıq olaraq ortaya qoyub və sona qədər 5 baza prinsipi əsasında danışıqların aparılmasını istəyir. Azərbaycan öz ərazi bütövlüyünü qoruyub və Naxçıvanla kommunikasiyalarn açılmasını tələb edir. Bu yalnız dəmiryolu deyil, həm də enerji resurslarının daşınması deməkdir. Ermənistan da Azərbaycanın ərazi bütövlüyünü tanımaqla yanaşı, Azərbaycanın irəli sürdüyü şərtləri qəbul etməlidir. Belə olduqda biz, regionda uzunmüddətli və dayanıqlı sühə nail ola biləcəyik”.