"Son günlərdə Ermənistan tərəfindən Azərbaycana qarşı nifrət püskürülür. Ermənistan yenidən revonşist və faşist siyasəti həyata keçirməkdədir. İlk olaraq Azərbaycan-Ermənistan şərti sərhədində hərbçilərimizə qarşı təxribatın törədilməsi və əsgərlərimizin şəhid olması, daha sonra hava şəraitinin pis olması ilə əlaqədar yollarını azaraq düşmən tərəfinə keçmiş əsgərlərimizin qəddarcasına döyülməsi və hadisələrin kuliminasiya nöqtəsi olaraq beynəlxalq idman yarışında Azərbaycan bayrağının təhqir edilməsi onların əsl simasını ortaya qoydu". Bu sözləri açıqlamasında deputat Naqif Həmzəyev deyib.
Onun sözlərinə görə, bütün bunlar faktiki olaraq məqsədyönlü şəkildə həyata keçirilmiş və bir-biri ilə əlaqəli olan məsələlərdir: "Açıq-aşkar görünür ki, ermənilər Azərbaycana qarşı nifrət hiss bəsləyir. Bacardığımız qədər çalışmalıyıq ki, beynəlxalq ictimaiyyəti və təşkilatları hadisələrə düzgün qiymət verməyə məcbur edək. Çünki faktiki olaraq beynəlxalq güclər, yəni erməni havadarları onların əsl üzünü görmək istəmirlər. Əksinə, həmin beynəlxalq qüvvələr ermənilərə gizli şəkildə dəstək verirlər. Bu baxımdan biz beynəlxalq təşkilatlar qarşısında məsələ qaldıraraq Ermənistanın beynəlxalq idman yarışlarına ev sahibliyi etməsinin əleyhinə olduğumuzu bildirməliyik".