Mütəmadi olaraq seçicilərlə görüşən, əlaqə saxlayan, onların qayğıları ilə ətraflı maraqlanan Naqif Həmzəyev qəbula gələn vətəndaşları, 44 günlük Vətən müharibəsi veteranlarını ayrı-ayrılıqda qəbul edib, arzu və təkliflərini, problemlərini dinləyib.
Vətəndaşlar əsasən sosial şəraitin yaxşılaşdırılması, mənzil-məişət problemləri və işlə təminat kimi məsələlərlə bağlı müraciət ediblər.
Vətəndaşları diqqətlə dinləyən millət vəkili Naqif Həmzəyev vətəndaş qəbulunda dilə gətirilən məsələlərin həlli istiqamətində aidiyyatı qurumlara müraciət edəcəyini və onları narahat edən problemlərin ən qısa müddətdə müsbət həll olunmasına köməklik göstərəcəyini diqqətə çatdırıb.