“Münxen Təhlükəsizlik Konfransında Azərbaycan Respublikasının Prezidenti cənab İlham Əliyev və Azərbaycan nümayəndə heyəti uğurla təmsil olundu. Burada cənab Prezident ikitərəfli, üçtərəfli və panel müzakirələrdə iştirak etdi. Həm iqtisadi əhəmiyyət kəsb edən bu görüşlər, həmçinin enerji təhlükəsizliyi ilə bağlı da çox mühüm görüşlər kimi yadda qaldı. Bütün bunlarla yanaşı Cənubi Qafqaz dövlətlərinin rəhbərlərinin ilk dəfə bir araya gəlməsi ilə də demək olar ki tarixə keçdi”.
Bunu açıqlamasında millət vəkili Naqif Həmzəyev deyib. Millət vəkili diqqətə çatdırıb ki, orada müzakirələr zamanı Ukrayna-Rusiya, onun regona, qlobal məkana təsirləri müzakirə edildi, eyni zamanda Cənubi Qafqazda mövcud vəziyyət, Ermənistan-Azərbaycan münasibətlərinin normallaşmaya doğru gedən yola nəzər salndı: “Bilirsiniz ki, Blinken moderatorluğunda Ermənistan-Azərbaycan rəhbərliyinin ikitərəfli görüşü baş tutdu və bu görüşlə yanaşı Avropa Şurasının prezidenti Şarl Mişellə də cənab prezident görüşdü və bu görüşdə bir daha belə bir razılıq əldə olundu ki, Brüssel formatı davam etdirilsin və Fransanın bu görüşlərdə tərəf olaraq iştirak etməsi dayandırıldı.
Çünki birbaşa olaraq Fransa Ermənistanın tərəfini tutur. Bu baxımdan da onun danışıqlar prosesinə töhfə vermə ehtimalı sıfıra bərabərdir. Möhtərəm Prezident də çıxışı zamanı bu məsələyə aydınlıq gətirdi. Demək olar ki, Fransanın bu prosesdən uzaqlaşdırılmsı Azərbaycanın növbəti diplomatik uğuru kimi dəyərləndirilməlidir. Eyni zamanda Ermənistanın baş naziri Nikol Paşinynın yenidən sərsəm fikirlər irəli sürməsi Azərbaycanı dolayısı ilə Laçın yolunu bağlamaqda ittiham etməsinin əsassız olmasını cənab prezident faktlarla sübut etdi. Həmin panel müzakirələri zamanı beynəlxalq ictimaiyyətin uzun illər Ermənistana təəssüflər olsun ki, heç bir təzyiq etmədiyini, Azərbaycana qarşı işğalçılıq siyasəti yürüdən Ermənistana qarşı sanksiyaların tətbiq olunmadığını səsləndirdi.
Azərbaycan yalnız və yalnız, öz gücü hesabına öz torpalarını işğaldan azad edib. Azərbacan regionda sülhün və əminamanlığın olmasında maraqlıdır. Ermənitanın da sülh danışıqlarına töhvə verməsini və Azərbaycanla sülh anlaşmasını imzalamasına məcbur olduğunu eşitdik. Ancaq təəssüflər olsun ki, Ermənistan hələ də sülhdən qaçır və sülh prosesinə töhvə verməkdən yayınmaqdadır”. Millət vəkili həmçinin əlavə edib ki, ümumilikdə bu konfransda cənab prezidentin iştirak etməsi, keçirdiyi görüşlər, jurnalistlərə verdiyi açıqlamalar çox araqlı məqamlarla yadda qaldı: “Düşünürəm ki, Azərbaycan üçün çox önəmi görüşlər oldu.
Bu görüşlərdə bir daha dünya ictimaiyyəti Azərbacanın dəyişməyən mövqeyinin şahidi oldu. Azərbaycanın hədəfə yönəlmiş strateji xəttinin mövcudluğu ortaya çıxdı. Platformaların, məkanların, moderatorların dəyişməsindən asılı olmayaraq Azərbaycanın bir mövqeyi, problemin həlli ilə bağlı konkret təklifləri var. Bu görüşlərə həm Laçın, həm də Zəngəzur yolunda müşahidə postlarının yerləşdirilməsi ilə bağlı Azərbaycanın çıxış etməsi düşünürəm ki, mövcud narahatlığı da aradan qaldıracaq və ən yaxın zamanlrda Ermənitanla-Azərbaycan arasında sülh anlaşmasının imzalanmasının, ən əsası isə kommunikasiyaların bərpa edilməsinin şahidi ola biləcəyik”.