Noyabrın 10-da Qarabağda hərbi əməliyyatların bitməsi və atəşkəs barədə Azərbaycan, Ermənistan və Rusiya liderlərinin birgə bəyanatı imzalandı. Bəyanatın 6-cı bəndinə görə isə, Ermənistan Respublikası 15 noyabr 2020-ci il tarixinədək Kəlbəcər rayonunu, 1 dekabr 2020-ci il tarixinədək isə Laçın rayonunu Azərbaycan Respublikasına qaytarır. Artıq noyabrın 15-ə az müddət qalıb. Kəlbəcərdən ermənilərin çıxıb getdiyi ilə bağlı görüntüləri də izləyirik.
ARB 24 telekanalının “Gündəm” verilişinin qonağı olan Milli Məclisin deputatı Naqif Həmzəyev diplomatik sahədə həyata keçiriləcək hadisələri şərh edərkən bildirib ki, Xalq-Ordu-Lider birliyi Zəfəri, Qələbəni bizə gətirdi.