"Azərbaycan 44 günlük Vətən müharibəsində Zəfər çaldıqdan sonra Ermənistan kapitulyasiya aktını imzalayıb və üçtərəfli bəyanatın öhdəliklərini yerinə yetirmək vəzifəsini çox təəssüflər olsun ki, bu günə qədər tam yerinə yetirməyib. Üçtərəfli bəyanatın bəzi müddəaları hələ də tam reallaşmayıb. Həm Soçidə, həm də Brüsseldə keçirilən görüşlər və bu görüşlərdə əldə olunan razılıqlar mütəmadi olaraq Ermənistan tərəfindən törədilmiş təxribatlarla pozulub və sülhə kölgə salınıb". Bu sözləri açıqlamasında Milli Məclisin deputatı Naqif Həmzəyev deyib.
Onun sözlərinə görə, erməni havadaları, bəzi beynəlxalq təşkilatlar və dövlətlər Ermənistanın bu təxribatlarına müəyyən dəlalət qazandırmağa çalışır: "Göründüyü kimi Azərbaycan diplomatik masada da öz qələbəsini reallaşdırıb. Ötən müddət ərzində Azərbaycan humanist addım ataraq regionda uzun müddətli və dayanıqlı sülh və əmin-amanlığın təmin olunması üçün böyük təşəbbüslər edib. Bu gün Azərbaycan diplomatik həmlələrini həyata keçirir. Xüsusilə erməni lobbisinin dəstəyilə Azərbaycana qarşı reallaşdırılan siyasi təzyiqlərin və diplomatik hücumların qarşısını almaq üçün Xarici İşlər Nazirliyi tərəfindən Prezident İlham Əliyevin müəyyənləşdirdiyi xarici siyasət strategiyası uğurla həyata keçirilməkdədir".
Naqif Həmzəyev bildirib ki, Birləşmiş Millətlər Təşkilatının sonuncu toplantısında xarici işlər naziri Ceyhun Bayramovun iştirak etməsi və bir çox dövlətlərin XİN rəhbərləri ilə görüşü baş tutması burada əsasən Azərbaycanın haqlı zəfəri, zəfərdən sonra Azərbaycanın reallaşdırdığı işlər, Azərbaycanın regionda uzunmüddətli sülh və əmin-amanlığın qorunub-saxlanılması üçün həyata keçirdiyi təşəbbüslər, Ermənistanın mütəmadi olaraq törətdiyi təxribatlar, Ermənistan tərəfindən Azərbaycan ərazilərinin minalanması, bu günə qədər mina xəritələrinin tam olaraq Azərbaycan tərəfinə verilməməsi, son təxribatlar birbaşa olaraq Ermənistanın məsuliyyəti və təxribatları nəticəsində reallaşdırılıb. Bu baxımdan XİN başçıları arasında keçirilən görüşlərdə bu məsələnin diqqətə çatdırılması bütün baş verən təxribatların, sərhəddəki toqquşmaların əsas səbəbkarı Ermənistanın olduğu xüsusilə bildirildi. Göründüyü kimi Azxərbaycan diplomatik sahədə öz fəaliyyətinin davam etdirir. Xarici diplomatik təşkilatlar Ermənistana təzyiqlər göstərməlidir. Düşünürük ki, Ermənistan baş vermiş hadisələrdən düzgün və real nəticələr çıxardacaq".