“Nensi Pelosi tərfindən deyilən fikirlər qəbuledilməzdir, ədalətli yanaşma deyil. Çox təəssüflər olsun ki, Pelosi regionda baş verən həqiqətləri dərk etmək istəmir. Onu Ermənistana səfərin və orada verdiyi açıqlamalar çox incə, çətinliklə sülhə gedən yola ağır bir zərbə kimi dəyərləndirilməlidir. Pelosinin 12 sentyabr tarixində Ermənistanın sərhəddə törətdiyi təxribatı erməni mövqeyi baxımından şərh etdi. Ermənistanın mövqeyindən çıxış edərək, həqiqətləri gizlədərək birtəfəli mövqe nümayiş etdirdi”.
Bunu açıqlamasında deputat Naqif Həmzəyev deyib. Deputat bildirib ki, əslində təxribatları törədən, Azərbaycan əsgər və zabitlərinin şəhid olmasına səbəb olan erməni quldurları cəzalandırılmalıdır:
“Amma bu səfərdən və Pelosinin verdiyi açıqlamalardan belə qənaətə gəlmək olar ki, bunlar böyük bir planın kiçik hissəsidir. Təxribatdan sonra bu səfərin baş tutması öncədən planlaşdırılıb. Bu da bir növ Ermənistana dəstəyin nümayiş etdirilməsi üçün ermənipərəst konqresmenlərin, eləcə də Nensi Pelosinin əlinə düşən fürsət oldu. ABŞ Konqresində ermənipərəst və erməni lobbisinin təsirində olan konqresmenlərin olduğunu bildirik. ABŞ da orta dövr seçkiləri başlayır və ona görə də erməni lobbisinin dəstəyini qazanmaq üçün bu səfər onlara lazım idi. Həmçinin bu səfər və açıqlamalar erməni qonorarlarına hesablanıb. Pelosinin bu səfər çərçivəsində qondarma erməni soyqırımı abidəsini ziyarət etməsi, oradan süni göz yaşları tökməsi və regionda baş verən prosesləri düzgün qiymətləndirməməsi bir daha dövlətə sırımaq istədikləri demokratiya adı altında, əslində isə müstəmləkə siyasətinin bariz nümunəsini ortaya qoydular. Xocalı soyqırımını unudanlar, Birinci və İkinci Qarabağ savaşında Azərbaycan tərəfindən verilən şəhidlərin ruhunu hörmət etməyənlərin heç bir demokratiyadan, ədalətdən danışmağa haqqı yoxdur. Azərbaycanın haqlı savaşında xalq, ordu, Ali Baş Komandan birliyi qalib gələcək və ərazi bütövlüyümüzü, suverenliyimizi daim qoruyacağıq”.