“Tovuz döyüşləri Azərbaycanın zəfəri ilə tamamlanan 44 günlük Vətən müharibəsinin qığılcımı oldu”.
Bu fikirləri açıqlamasında Milli Məclisin deputatı Naqif Həmzəyev deyib. Deputat vurğulayıb ki, Tovuz hadisələri zamanı Ermənistan Azərbaycanın ərazilərini işğal etmək, Azərbaycan üçün strateji önəm daşıyan beynəlxalq layihələrin, beynəlxalq boru kəmərlərinin keçdiyi əraziləri öz nəzarətində saxlamaq və Aərbaycanı daha çətin vəziyyətə salmaq niyyətində idilər:
“Tovuz hadisələri zamanı Azərbaycan yüksək rütbəli zabit və əsgərlərini itirdi, ancaq rəşadətli ordumuz düşmənin bu hücumunun, təxribatının qarşısını aldı və Ermənistan tərəfi ağır itkilərə məruz qaldı. Ancaq Tovuz hadisələrinin ən əsas faydalarından biri ondan ibarət oldu ki, biz tam olaraq anladıq və dünyaya da bunu anlada bildik kİ, Ermənistan qətiyyən sülh istəmir, Ermənistan sülh yolu ilə torpaqlarımızı işğaldan azad etmək istəmir, Ermənistan Azərbaycanla barış istəmir və Azərbaycanın güclənməsinisinirə sinirə bilmir”.
“44 günlük Vətən müharibəsinin qığılcımı olan Tovuz hadisələri Azərbaycan tarixinə qızıl hərflərlə yazılmış bir günlərdir. Xalqımız Tovuz hadisələrindən sonra bir daha birlik və bərabərlik nümayiş etdirdi. Məhz Tovuz hadisələrindən sonra hərbi çağırış məntəqələrinin qarşısında böyük növbələr müşahidə edilməyə başlandı. Ali Baş Komandan, Cənab İlham Əliyevin bir mesajı ilə, bir çıxşı ilə 50 mindən çox Azərbaycan gənci ordu sıralarına könüllü yazılmaq niyyətini ortaya qoydu. 27 sentyabrda Ermənistanın növbəti təxribatı zamanı Ali Baş Komandanın tapşırığı, əmri ilə əks həmlə hücumlarına başlanıldı və düşməni bu ərazilərdən, dədə-baba yurdumuzdan, Şərqi Zəngəzurdan qovdular. Və erməni faşizmi dayandıraraq torpaqlarımızı işğaldan azad etdik. Bütün döyüşlər zamaı itirdiyimiz şəhidlərimizə Allahdan rəhmət, qazilərimizə isə şəfa diləyirik”,- deyə millət vəkili fikirlərini yekunlaşdırıb.