Karonavirus pandamiyasının sürətlə yayılması həmin diaqnozlu şəxslərin saxlanma yerlərinə olan ehtiyacını artırır.
Millət vəkili Naqif Həmzəyev ATV kanalına müsahibəsində bildirib ki, ölkəmizdə karantində saxlanılan vətəndaşlarımız dövlət tərəfindən hər bir şəraitlə əhatə olunublar. Onların xəstəxanalarla yanaşı mehmanxalarda, istirahət mərkəzlərində yerləşdirilməsinə imkanlar yaradılıb.
Millət vəkili onu da qeyd edib ki, ölkə daxilində də virusun yayılma halı ilə rastlaşırıq. Yoluxma və ölümlərin sayı artır. Dövlətin izoliyasiya tədbirlərinə hər kəs qeyri-şərtsiz əməl etməlidir.
Naqif Həmzəyev vətəndaşlara səslənərək bildirib ki, yalnız zərurət yarandığı vaxtda ailənin 1 üzvü market və apteklərə getsin. Unutmayın ki, hər bir evdən çıxma, hər bir kənar şəxslə təmas infeksiyaya yoluxma deməkdir.