"Bildiyimiz kimi 10 may tarixində Ümummmilli Lider Heydər Əliyevin anadan olmasının 99-cu ildönümüdür. Həmin gündə hər bir azərbaycanlı Ulu Öndərin xatirəsini yad edir. Ulu öndər Heydər Əliyevin siyasətinin təntənəsidir ki, bu gün biz ərazi bütövlüyümüzü bərpa etmişik və işğaldan azad olunmuş ərazilərimizdə quruculuq-abadlıq işlərini həyata keçirdə bilirik. Bu baxımdan da 10 may tarixində məhz Prezident İlham Əliyev və Birinci vitse-prezident Mehriban Əliyevanın ötən gün Füzuli rayonuna və Şuşa şəhərinə səfər etməsi hər birimizi sevindirdi". Bu sözləri açıqlamasında deputat Naqif Həmzəyev deyib.
Onun sözlərinə görə, Şuşa şəhərində ölkə başçısının bir çox təməlqoyma mərasimində iştirak etməsi, quruculuq-abadlıq işləri ilə yerində tanış olması və çox maraqlı nitq göstərməsi sevindirdi: "Bildiyimiz kimi 30 il ərzində işğal altında qalan torpaqlarımızı darmadağın ediblər. Bu baxımdan cənab Prezidentin Füzuliyə səfəri zamanı məktəb-liseyin, yeni xəstəxananın təməlqoyma mərasimində iştirak etdi. Həmçinin şəhərdə park kompleksinin təməli qoyuldu. Bildiyimiz kimi Füzulidə çox böyük çinar meşələri olub. Prezident İlham Əliyev və Birinci vitse-prezident Mehriban Əliyevanın burada çinar ağaclarını əkməsi çox maraqlı hadisədir. Həmçinin unutmaq olmaz ki, Ulu öndər Heydər Əliyevin ən çovdiyi ağac xan çinarı idi.
Ümumiyyətlə Prezident İlham Əliyev və Birinci vitse-prezident Mehriban Əliyevanın mütəmadi olaraq işğaldan azad olunmuş ərazilərə səfər etmələri onu deməyə imkan verir ki, bütün bu proseslər cənab Prezidentin birbaşa nəzarəti ilə həyata keçirilir. Bizim ən böyük istəyimiz məcburi köçkünlərin öz dədə-baba yurdlarına qayıtmasıdır. Bu səbəbdən də bu işlərin daha nizamlı, sürətli və səmərəli həyata keçirilməsi vacibdir. Prezident İlham Əliyev və Birinci vitse-prezident Mehriban Əliyevanın ötən gün Şuşa şəhərinə Füzuli rayonuna növbəti dəfə səfər etməsi ilə Azərbaycan xalqı bir daha əmin oldu ki, ən qısa zamanda Qarabağ və Şərqi Zəngəzur iqtisadi rayonları yenidən cənnət məkanına çevrilərək orada həyat canlanacaq".