Azərbaycan Respublikasının Prezidenti İlham Əliyevin və Qırğızıstan Respublikasının Prezidenti Sadır Japarovun 20 aprel tarixində görüşü keçirildi. Bu görüş zamanı birgə bəyanat verildi". Bu sözləri açıqlamasında deputat Naqif Həmzəyev deyib.
Onun sözlərinə görə, bildiyimiz kimi Azərbaycan-Qırğızıstan münasibətləri keyfiyyətcə yeni səviyyəyə çatıb: "Qırğızıstan türkdilli bir dövlətdir və Azərbaycanla münasibətlərin daha da yaxşılaşdırılması üçün yeni prezidentin dönəmində çox mühüm işlər görülüb. Qırğız Respublikasının Prezidenti Sadır Japarovun Azərbaycana səfəri və bu səfər zamanı imzalanmış sənədlər onu deməyə imkan verir ki, bu münasibətlərə yenidən baxılır və münasibətlərin daha yüksək səviyyəyə çatdırılması üçün hər iki dövlət tərəfindən lazımi işlər görülüb. Unutmamalıyıq ki, imzalanmış sənədlər sırasında strateji tərəfdaşlıq haqqında bəyannamə və dövlətlərarası şuranın yaradılması haqqında memorandumun çox xüsusi yeri var. Strateji tərəfdaşlıq qarşılıqlı fəaliyyətin yüksək səviyyəsidir. Bu, ölkələri məhz strateji xarakterli əməkdaşlığa kökləyir və yöndləndirir".
Deputat fikirlərinə davam edərək həmçinin qeyd edib ki, əməkdaşlığın səmərəliliyinin artırılması ilə əlaqədar olaraq dövlətlərarası şura çərçivəsində həm ikitərəfli gündəliyə aid məsələlər, həm də beynəlxalq və regional problemlərin daha effektiv və fəal sürətdə müntəzəm müzakirə olunması nəzərdə tutulur: "Bu da əməkdaşlığın inkişafına və əməkdaşlığın səmərəliliyini artıran əsas amillərdən biri hesab edilməlidir. Azərbaycan və Qırğızıstan bütün beynəlxalq təşkilatlarda ənənəvi olaraq həmişə bir-birini dəstəkləyib. Bu gündən sonra da bu ənənə davam etdiriləcək. Azərbaycanda kənd təsərrüfatı sahəsində ciddi işlər görülür. Kənd təsərrüfatı sahəsində Qırğızıstan ilə əməkdaşlığın yüksəldilmısi üçün çox böyük perspektivlər var. Azərbaycan Kənd Təsərrüfatı Nazirliyinin nümayəndə heyəti prezidentlərin tapşırığına əsasən bu sahədə əməli işlər görülür. Azərbaycan və Qırğızıstan dövlətlərinin mədəni, siyasi, iqtisadi və bütün sahələrdə əməkdaşlığını yüksəltmək üçün dövlətlərarası münasibətlər inkişafı ilə bağlı işlər görülməlidir".