“Çox təəssüflər olsun ki, bizim vətəndaşlarımız düzgün maarifləndirilmədikləri üçün xəstəxanalara müraciət etməyə qorxurlar. Ümumilikdə, bizim tibb müəssisələrində koronavirusa yoluxma və ya digər qrip xəstəlikləri arasındakı fərqi ayırd etmək olur”.
Bu fikirləri millət vəkili Naqif Həmzəyev Qazet.az-a müsahibəsi zamanı səsləndirib.
Ölkədə koronavirusun yayılması insanları ciddi təşvişə salıb. Qripə yoluxan vətəndaşların əksəriyyəti karantinə alınacaqlarından qorxaraq xəstəxanalara üz tutmurlar.
“Ona görə qətiyyən çəkinməsinlər. Ciddi narahatlıq varsa, mütləq tibb müəssisələrinə müraciət etsinlər. İstənilən halda, yüngül soyuqdəymə və ya başqa xəstəliklərin işıltıları varsa, onlayn formada da qurumlara müraciət edib lazım olan məsləhətləri ala bilərlər. Həkim olmayanların məsləhəti ilə hərəkət etməsinlər”, – deyə millət vəkili qeyd edib.