“Bakının Fəvvarələr meydanında Saleh Rüstəmliyə azadlıq tələbi ilə keçirilən aksiya qanunsuz və icazəsizdir. Bu cür aksiyalar birmənalı olaraq arzuolunan deyil. Hesab edirəm ki, bu, əsas hədəfə deyil, tamamilə başqa məqsədlərə xidmət edir. Saleh Rüstəmlinin səhhəti, bəlkə də həmin aksiyanın iştirakçılarını maraqlandırmır”.
Bunu Pravda.az-a açıqlamasında Milli Məclisin deputatı Naqif Həmzəyev həbsdə olan sabiq icra başçısı Saleh Rüstəmliyə azadlıq tələbi ilə keçirilən aksiya barədə danışarkən deyib.
Deputat bildirib ki, aksiya tərəfdarları müəyyən məqsədlərə xidmət edir və müvafiq sifarişləri həyata keçirirlər: “İstənilən halda, mövcud problemlərin həllinə sivil yollarla, qanunvericilik vasitəsilə nail olmaq mümkündür. Unutmamalıyıq ki, Azərbaycan üçün önəmli əhəmiyyət kəsb edən Brüssel görüşləri ərəfəsində belə aksiyanın keçirilməsinin məqsədi diqqət cəlb etmək və neqativ halları gündəmə gətirməkdir”.