Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” kampaniyası çərçivəsində Türkiyədə səfərdə olan millət vəkili Naqif Həmzəyev Konya Selçuk Universitetinin rektoru, professor Mustafa Şahin ilə görüşüb.
Görüşdə Konya Selçuk Universitetinin müəllimləri və “İslahatçı Gənclər” İctimai Birliyinin sədri Fərid Şahbazlı da iştirak edib.
Səmimi keçən görüşdə türk dünyasının qan yaddaşı olan Xocalı soyqırımı qurbanları anılıb, Azərbaycan ilə Türkiyənin təhsil sahəsində əlaqələrinin inkişaf etdirilməsinə və əməkdaşlıq layihələrinin müzakirə edilməsinə dair fikir mübadiləsi aparılıb.
Sonda Konya Selçuk Universitetinin rektoru, professor Mustafa Şahin millət vəkili Naqif Həmzəyevə hədiyyə təqdim edilib.
Qeyd edək ki, Türkiyənin ən böyük universitetlərindən olan Konya Selçuk Universiteti 1975-ci ildən fəaliyyət göstərir. Universitetdə 85 min tələbə təhsil alır.