Xəbər verdiyimiz kimi Milli Məclisin deputatı Naqif Həmzəyev Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” kampaniyası çərçivəsində “İslahatçı Gənclər” İctimai Birliyi tərəfindən Türkiyədə keçirilən “Xocalıya Ədalət həftəsi”ndə iştirak edir.
Səfər çərçivəsində Naqif Həmzəyev Türkiyənin Konya şəhərinin nüfuzlu kanallarından olan “Kon TV”-nin “Düzləm” verilişinin qonağı olub. Türkiyənin ictimai fəallarından Muammer Yavuz, Səlcuq Universitetinin professoru Ramazan Çalıq və “İslahatçı Gənclər” İctimai Birliyinin sədri Fərid Şahbazlının da iştirak etdiyi veriliş Xoçalı soyqırımının 28 ildönümünə həsr edilib.
Millət vəkili Naqif Həmzəyev Azərbaycana qarşı yürüdülən erməni təcavüzündən danışıb, Xocalı faciəsi barədə ətraflı məlumat verib.
Verilişdə həmçinin, eyni dəyərlər uğrunda fəaliyyət göstərən Azərbaycan Türkiyə münasibətləri müzakirə edilib, qardaş ölkələrin arasında qarşılıqlı maraq doğuran məsələlərdən söhbət açılıb.