Son vaxtlar Azərbaycan Ermənistan sərhədlərində eşidilən silah səsləri bu dəfə Füzuli, Xocalı və Şuşa istiqamətindən gəldi. Rusiya sülhməramlılarının müvəqqəti yerləşdirildiyi Azərbaycan ərazilərdən. Atəşi açanlar isə həmin ərazilərdə olan qanunsuz Erməni dəstələridi. Belə olan halda bölgədə sülhün bərqərar olmasına nəzarət etmək məqsədi ilə yaradılan monitorinq mərkəzinin üzərinə böyük məhsuliyyət düşür.
Bu barədə millət vəkili Naqif Həmzəyev ARB24-də danışıb.
"Konkret olaraq hansı tərəfin atəşkəsi pozduğu və hansı tərəfin təxribata əl atdığı sübut edilməlidi. Belə olan təqdirdə mən düşünürəm ki, həmin tərəfə xəbərdarlıq olunaraq, həmin atəşkəsi pozan terroristlər mütləq cəzalarını almalıdı. Əks təqdirdə Azərbaycanın tam səlahiyyəti və hüququ var ki, bu ərazilərdə antiterror əməliyyatları keçirtsin." deyə millət vəkili bildirib.
Bəli, sülhməramlılar bölgədə çəpər rolunu oynadıqlarını unutmamalıdı. Yox əgər onlar kimlərinsə Azərbaycan ordusuna hücum etməsinə göz yummacaqlarsa, bu Cənubi Qafqazda gərginliyə gətirib çıxaracaq və yeni hərbi əməliyyatların başlanmasını reallaşdıracaq.