Müzəffər Ordumuz 44 günlük Vətən müharibəsini zəfərlə bitirdikdən dərhal sonra Ali Baş Komandanın işğaldan azad edilən ərazilərimizə səfərlər etməsi artıq ənənə halını alıb. Ölkə başçısı İlham Əliyevin bu səfərləri erməni vandallarının illərdir daşı-daş üstə qoymadıqları torpaqlarımıza yenidən həyat qaytarılacağını, dağıdılmış şəhər, rayon, qəsəbə və kəndlərin abadlaşacağından xəbər verir.
Kəpəz TV-nin"Bu Gün" İnformasiya proqramın qonağı olan Milli Məclisin deputatı Naqif Həmzəyev çıxışında hazırda qarşıda duran əsas məsələnin Qarabağ torpaqlarına qayıdışı uğurla və qısa müddətdə həyata keçirmək olduğunu xüsusi ilə vurğulanıb.
Verilişdə o da qeyd edib ki, Prezident İlham Əliyevin də müsahibələrində, açıqlamalarında əsas xətti tezliklə insanları işğaldan azad olunan torpaqlara, doğma yurd - yuvalarına qaytarmaq təşkil edir.
Ölkə Başçısının Qarabağa ardıcıl səfərləri zamanı avtomobil yollarının təməlinin qoyulması bir daha göstərir ki, ən ümdə vəzifə bərpa, quruculuq işlərinin görülməsidir. Prezident İlham Əliyevin siyasi iradəsi, Ordumuzun gücü, milli birliyimiz ilə azadlığına qovuşan bölgələrimizə doğru uzanan yollar, infrastruktur yenidən qurulur, həyat yenidən canlanır.
Azərbaycanın mədəni paytaxtı və bütün Qafqazın incisi hesab olunan Şuşada Prezidentinn tapşırığına əsasən və dövlət başçısının bilavasitə nəzarəti altında qədim tarixi və memarlıq üslubu qorunub saxlanılmaqla tarixi və dini abidələrin, muzeylərin planlı şəkildə bərpa olunması istiqamətində məqsədyönlü tədbirlər görülür. Yenidənqurma işləri nəticəsində Şuşa dünyanın ən gözəl şəhərləri siyahısında öz layiqli yerini tutacaq.
Tarixi ədalətin bərpa edilməsi nəticəsində əsl sahibinə qaytarılan Qarabağda qarşıdakı yaxın zamanda aparılacaq quruculuq işləri sayəsində bölgənin həyatında yeni mərhələ başlayacaq, Prezident İlham Əliyevin vurğuladığı kimi “Böyük Qayıdış” keyfiyyətcə yeni bir həyata qayıdış olacaq.