Milli Məclisin deputatı Naqif Həmzəyev Türk yazarı Ayşe Gül Kara Zorlunun instagram proqramının virtual qonağı olub.
Proqramda Azərbaycan ilə Türkiyə arasında uzun illərin sınağından çıxmış dostluq və qardaşlıq münasibətlərindən ətraflı söhbət açılıb, hər iki dövlətin əbədi dostluğunun strateji hədəflərə çatmasındakı əhəmiyyətinə toxunulub.
Millət vəkili Naqif Həmzəyev tarixi dostluq, qarşılıqlı etimad, səmimi münasibətlər, yüksək səviyyəli əməkdaşlıq əsasında qurulan Azərbaycan – Türkiyə əlaqələri günü-gündən möhkəmləndiyini qeyd edərək bildirib ki, bu gün Azərbaycan-Türkiyə qardaşlığı ən yüksək zirvəsini yaşayır.