Naqif Həmzəyev: “Bu, Ermənistana qarşı irəli sürəcəyimiz təzminat tələbinin nəticə verməsi baxımından da faydalı olar”
Prezidentin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev, fevralın 6-da Azərbaycandakı xarici diplomatlarla birlikdə işğaldan azad olunmuş ərazilərə səfəri zamanı erməni vəhşiliyini ifş.a edən açıqlamalar səsləndirməklə yanaşı, beynəlxalq təşkilatlarla bağlı gözləntilərini dilə gətirib. Hikmət Hacıyev qeyd edib ki, beynəlxalq təşkilatların işğaldan azad olunan ərazilərdə fakttoplama prosesində iştirakını görmək Azərbaycan üçün arzuediləndir və belə bir fəaliyyətə ehtiyac var.
Beynəlxalq təşkilatların fakttoplama missiyasında iştirakı erməni vəhşiliklərini ifşa etməklə yanaşı, həm də Ermənistana qarşı irəli sürüləcək təzminat tələbinin təmin ediməsinə fayda verə bilərmi?
Moderator.az-a açıqlama verən millət vəkili Naqif Həmzəyev, beynəlxalq təşkilatların fakttoplama missiyasındda iştirakının vacib olduğunu bildirib:
“İşğaldan azad olunmuş torpaqlarımızda erməni vandalları tərəfindən törədilmiş cinayətlər onu deməyə əsas verir ki, bu ərzilərdə bütün beynəlxalq təşkilatların faktoplama missiyasında iştirakı zəruridir. Biz bütün bu cinayətləri araşdırmaları və bütün bunlara rəsmi mövqeyimizi bildirməli, cinayətkarların cəzalandırılmasını təmin etməliyik. Əfsuslar olsun ki, biz yenə də bəzi beynəlxalq təşkilatların timsalında ikili standartlara şahid oluruq. Bəzi beynəlxalq təşkilatar bu məsələdə susurlar. Yaxud, burada missiya göndərəcəkləri təqirdə yalnız xristian abidələrini tədqiq edəcəklərini bildirirlər. Bu baxımdan Hikmət müəllimin fikirlərində çox böyük həqiqət var. Beynəlxalq təşkilatlar fakttoplama missiyasında iştirak etməli, ermənilər tərəfindən törədilən cinayətləri dərindən aradırmalı və buna müvafiq olaraq hesabatlar hazırlamalıdırlar.
Azərbaycan bu ərazilərdə ona dəyən ziyanın dəqiq hesablanması prosesini aparır. Düşünürəm ki, yaxın müddətdə Azərbaycan təzminat tələbi ilə bağlı beynəlxalq məhkəmə və təşkilatlara müraciət edəcək. Fakttoplayıcı missiyaların təqdim edəcəyi hesabatlar bu məsələdə də Azərbaycan üçün olduqca faydalı olar”.