Millət vəkili Naqif Həmzəyev Vətən müharibəsi şəhidlərinin ailələrini müntəzəm olaraq ziyarət edir, problem və qayğıları, onları narahat edən məsələlərlə yaxından maraqlanır.
Millət vəkili bu dəfə Şuşa uğrunda gedən döyüşlərdə qəhrəmancasına şəhid olan Əliyev Şöhrət Canpolat oğlunun anası Aygün Əliyeva ilə görüşüb.
Naqif Həmzəyev dövlət tərəfindən şəhid ailələrinə və qazilərə göstərilən yüksək diqqət və qayğı haqqında, yeni yaranmış “YAŞAT” Fondu, bu istiqamətdə icra edilən dövlət proqramları barəsində ətraflı məlumat verib və bildirib ki, ərazi bütövlüyümüz uğrunda canlarınıdan keçən şəhiddlərimizin qəhrəmanlığı Azərbaycan xalqı üçün, Azərbaycan gəncləri üçün örnəkdir.
Şəhid balasının qəhrəmanlığından, igidliyindən, döyüş yolundan danışan Aygün Əliyeva şəhid ailələrinə göstərilən diqqət və qayğıya görə ölkə Prezidenti İlham Əliyevə, Birinci vitse-prezident Mehriban Əliyevaya minnətdarlığını bildirib.
Şəhid anasının problemləri ilə yaxından tanış olan millət vəkili məsələ ilə bağlı aidiyyatı orqanlara müraciət ediləcəyini bildirib.
Qeyd edək ki, Əliyev Şöhrət Canpolat oğlu Gəncədə anadan olub. Şuşa uğrunda gedən döyüşlərdə neşə-neçə erməni məhf edərək, qəhrəmancasına şəhid olub. Şöhrət pulemyotçu olub, bir neçə yaralı əsgər yoldaşını döyüş meydanından çıxardaraq, yenidən döyüşlərə atılıb. Arıq cüssəli olmasına baxmayaraq Şöhrət nə ağır silahını döyüş meydanında atıb, nə də yaralı yoldaşını. Şəhid Şöhrətin qardaşı topçu Əliyev Həsrət Canpolat oğlu da döyüşlərdə iştirak edib. Hazırda Həsrət hərbi xidmətdədir.