Azərbaycan gəncləri tarixin bütün dövrlərində inkişafın hərəkətverici qüvvəsi olublar. Onlar hər zaman cəmiyyətin ən dinamik zümrəsi olaraq ölkədə baş verən bütün proseslərin mərkəzində dayanıb, Azərbaycanın ayıq-sayıq və ən iti görən gözü kimi ölkənin ictimai-siyasi həyatında yaxından iştirak ediblər.
Bu sözləri YAP Gəncə şəhər təşkilatının sədri, Milli Məclisin deputatı Naqif Həmzəyev YAP Zəngilan rayon Gənclər Birliyinin təşkilatçılığı ilə 2 Fevral – Gənclər Gününə həsr edilən videokonfransda bildirib.
Silahlı Qüvvələrin Ali Baş Komandanı İlham Əliyevin başçılığı ilə Müzəffər Ordumuzun zəfər yürüşü ilə Zəngilanı düşmən tapdağından azad etdini, zəngilanlılarıın 27 illik yurd həsrətinə son qoyduğunu qeyd edən millət vəkili tarixi qələbədən zəngilanlılara iki qat pay düşdüyüni diqqətə çatdırıb.
Naqif Həmzəyev onu da bildirib ki, ölkəmizin tarixinə qızıl hərflərlə yazılan 44 gün davam edən Vətən müharibəsi Azərbaycan gənclərinin milli vətənpərvərlik ruhunun yüksək səviyyədə olduğunu, mənəvi dəyərlərə sadiqliklərini təsdiq etdi: “Bu gün dövlət gənclər siyasətinin ölkədə uğurla həyata keçirilməsi nəticəsində gənclərin önündə böyük qapılar, yollar açılıb. Gənclərimiz bu imkanlardan layiqincə yararlanır, həm öz inkişaflarını təmin edir, həm də, dövlətimizin mənafeyini etibarlı şəkildə müdafiə edən layiqli vətəndaş kimi özlərini təsdiq edirlər. Fərəhli haldır ki, bu günün gəncləri Prezident İlham Əliyevin ətrafında sıx birləşib, Vətənimizin tərəqqisi, dövlətçiliyimizin möhkəmləndirilməsi naminə hər bir sahədə böyük fəallıq göstərirlər. İkinci Vətən müharibəsi Azərbaycan gənclərinin milli ruhda, vətənpərvərlik ruhunda tərbiyə almasını təsdiq etdi. On minlərlə gənc Vətəni qorumaq üçün könüllü olaraq ordu sıralarına yazıldı. Ön cəbhədə olduğu kimi gənclərimiz arxa çəbhədə, informasiya savaşında, Azərbaycan həqiqətlərinin dünyaya çatdırılmasında da eyni fəallıq göstərdilər.
Gənclərimiz koronavirus pandemiyasının davam etdiyi dövrdə müxtəlif istiqamətlər üzrə cəmiyyətimizin sağlamlığı naminə fəallıq nümayiş etdirdilər. Pandemiya dövründə əhalinin maarifləndirilməsi istiqamətində görülən işlərə öz töhfələrini verdilər.
Naqif Həmzəyev qarşıdan gələn Gənclər Günü münasibəti ilə tədbir iştirakçılarını təbrik edib, konfransın işinə uğurlar arzulayıb.
