YAP Gəncə şəhər təşkilatında gənclərlə onlayn formatda görüşlər davam edir.
Təşkilatın sədri, Milli Məclisin deputatı Naqif Həmzəyevin moderatorluğu ilə keçən görüşdə Azərbaycan gənclərinin vətənpərvərlik tərbiyəsi sahəsində aparılan işin daha da geniş təbliğ edilməsindən danışılıb, onların sosial şəbəkələrdə fəallığının artırılması ilə bağlı bir sıra məsələlər müzakirə olunub.
Naqif Həmzəyev 44 günlük Vətən Müharibəsində Ali Baş Komandan, Prezident İlham Əliyevin rəhbərliyi ilə müzəffər Ordumuzun qazandığı böyük zəfərin gənclərimizin milli vətənpərvərlik ruhuna yüksək səviyyədə təsir etdiyni qeyd edib.
Gənc fəallar çıxış edərək, tarixi qələbəmizi, Qalib Ali Baş Komandanı, Prezident İlham Əliyevin ilk gündən qəti qələbə əzmini, dönməz və qətiyyətli iradəsini, düşmənə və onun dünyadakı havadarlarına qarşı qalibiyyətli mübarizəmizdə həlledici rol oynadığını, izləməkdən və görməkdən iftixar duyduqlarını bildiriblər.
Gənclər ən böyük arzularının Vətənə, xalqa, dövlətə bağlı, layiqli vətəndaş kimi layiqli töhfələr vermək olduğunu qeyd ediblər.
Geniş diskussiya şəraitində keçən onlayn görüşdə millət vəkili gəncləri maraqlandıran suallara cavab verib.