07 may 2026-cı il tarixdə Xırdalan şəhərində yerləşən 3 saylı məktəb-liseydə QAİ Abşeron rayon nümayəndəliyinin təşkilatçılığı ilə Heydər Əliyevin anadan olmasının 103-cü ildönümünə həsr edilmiş "Heydər Əliyev və Qərbi Azərbaycan -Tarixi ədalətin bərpası və siyasi yanaşma" mövzusunda tədbir keçirildi.
Tədbirdə Milli Məclisin deputatı, Qərbi Azərbaycan İcmasının Gənclər Şurasının sədr müavini Naqif Həmzəyev, Abşeron Rayon İcra Hakimiyyətinin başçısının müavini Gülnar Rəhimova, Qərbi Azərbaycan İcmasının Abşeron rayonu üzrə nümayəndəsi "Əməkdar müəllim" Bilman Vəliyev, QAİ Gənclər Şurasının üzvü Heydər Vəliyev, QAİ Qadınlarla iş üzrə məsul şəxs İstək Bəxtiyarova, QAİ Saray qəsəbəsi üzrə nümayəndəsi "Əməkdar müəllim" Teyyubə Hüseynova, YAP Abşeron rayon təşkilatının sədr müavini Ülvi Salmanov, QAİ Ceyranbatan qəsəbəsi üzrə nümayəndəsi Elbrus Quliyev, QAI Xırdalan şəhəri üzrə nümayəndəsi Eldar Həziyev, QAİ Masazır qəsəbəsi üzrə nümayəndəsi Maşallah Abışov, Hüquqşünas Günay Ərəbxanova,
Bakı Dövlət Universitetinin nəzdində Iqtisadiyyat və Humanitar kollecin direktoru Hicran Eyyubova, Məktəb direktorları: Elşən Quliyev,Gülnaz Kərimova,Mahnur Hüseynova, Zəminə Nurayeva,Əfsanə Hüseynova, rayon ictimaiyyəti və Qərbi Azərbaycan əsilli şagirdlər iştirak etdilər.
Tədbir zamanı, Azərbaycan xalqının Ümummilli Lideri Heydər Əliyevin həyatını xalqına, dövlətin və ölkənin siyasi-iqtisadi,hərbi, milli-mənəvi qüdrətinin inkişafı və möhkəmlənməsinə sərf etməsi barədə geniş danışıldı.
Qeyd olundu ki, Heydər Əliyev Azərbaycan Dövlətinin qurucusu kimi tarixə daxil olmuşdur.
Çıxış edənlər Heydər Əliyevin Respublikada həyata keçirdiyi sosial-iqtisadi və siyasi tədbirləri xalqın milli mənəvi dəyərlərinin inkişafı ilə sıx əlaqələndirdilər.
