Milli Məclisin deputatı Naqif Həmzəyev YAP Gəncə şəhər təşkilatının inzibati binasında vətəndaş qəbulu keçirib.
Mütəmadi olaraq təmsil etdiyi dairədə yaşayan seçicilərlə görüşən, onların arzu və təklifləri, problemləri ilə maraqlanan millət vəkili qəbul zamanı vətəndaşlarla fərdi qaydada görüşüb, onların müraciət və təkliflərini dinləyib.
Görüş zamanı qəbul iştirakçılarını ən çox narahat edən problemlər sırasında məşğulluq, mədəniyyət, sosial şəratin yaxşılaşdırılması və s. bu kimi məsələlər başlıca yer alıb.
Müraciətlər nəzarətə götürülüb, operativ şəkildə araşdırılaraq, qanunvericiliyə uyğun həll edilməsi üçün aidiyyatı qurumlarla əlaqə yaradılıb. Bir neçə məsələ yerindəcə həllini tapıb.
Seçicilər daim onların problemlərini diqqətdə saxlayaraq həlli istiqamətində çalışdığı üçün millət vəkili Naqif Həmzəyevə təşəkkürlərini ifadə ediblər.