Ali Baş Komandan İlham Əliyevin müraciətləri hər bir Azərbaycan vətəndaşı tərəfindən çox müsbət qarşılanıb. Bu müraciətlərdə hər kəsin suallarına cavab verilib. Bunu oktyabrın 6-da Milli Məclisin payız sessiyasının növbəti plenar iclasında millət vəkili Naqif Həmzəyev bildirib.
Azərbaycan xalqının işğal altında olan torpaqlarımızın tezliklə azad ediləcəyinə əmin olduğunu vurğulayan Naqif Həmzəyev qeyd edib ki, hərb qanunlarına əməl etməyən düşmənlərimizin hədəfi dinc əhalidir: “Son nəfəslərini yaşayan düşmən cəbhədən 60 km aralıda yerləşən Azərbaycanın ikinci böyük şəhəri Gəncənin uzaqmənzilli raketlərdən atəş açırlar. Hədəf mülkivətəndaşlar, dinc sakinlər oldu. Yaralıların, vəfat edən dinc sakinlərin olmasına baxmayaraq Gəncə sakinləri Ali Baş Komandanın ətrafında sıx birləşib, lazım gələrsə cəbhəyə getməyə, düşmənlə vuruşmağa hazırdırlar”.
Millət vəkili dünya ictimaiyyətinin baş verənlərə hələ də susduğunu, dinc əhalinin qətlə yetirilməsinə səssiz qaldığınıda təəssüflə qeyd edib.