“Strateji qida məhsulları var ki, onlarla əlaqədar dövlət tərəfindən tədbirlər görülür. Unun, buğdanın, digər məhsulların qiymətinə xüsusi nəzarət var deyə qiymət artımına imkan verilmir.
Təəssüflər olsun ki, bəzi məhsulların qiymətlərində artım çox tez-tez olur. Məsələn, xaricdən 5 manata aldığımız kərə yağının qiyməti 15-17 manatdır, 18 manata aldığımız yağ 28 manatdır”.
Bunu deputat Naqif Həmzəyev Milli Məclisin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və Parlamentlərarası əlaqələr komitələrinin birgə iclasında gələn ilin dövlət büdcəsi ilə bağlı müzakirələr zamanı deyib.
“Zeytun festivalı kimi tədbirlər göstərir ki, ölkəmizdə istehsal olunan məhsullar heç də xaricdən gətirilənlərdən geri qalmır. Mediada oxuyuruq ki, biz kərə yağını başqa ölkələrə 11 manata satırıq. Əgər mümkün olsa və bu məsələyə nəzarət olunsa, vətəndaşlar razı qalar”.