Milli Məclisin İnsan hüquqları komitəsinin QHT-lərlə görüşlər keçirməsi məsələsi çox yaxşıdır. Hətta biz komitə iclaslarını bölgələrdə də keçirə bilərik. Bölgələrdə olan QHT-lərlə də görüşlər keçirilməlidir. Regionlarda fəaliyyətimizi davam etdirəriksə, müsbət irəliləyişlər ola bilər.
Etikxeber.az xəbər məlumatı verir ki, bunu Milli Məclisin (MM) İnsan hüquqları komitəsinin bu gün keçirilən iclasında deputat Naqif Həmzəyev deyib.
Millət vəkili bildirib ki, bununla Azərbaycanın tək Bakıdan ibarət olmadığı göstərilmiş olar.
“Xüsusilə regionlarda hüquqları tapdalanan insanların hüquqların bərpası üçün bütün deputatlar və komitəmiz birgə işlər görə bilərik”-deyə, o, əlavə edib.