Azərbaycan və Şimali Makedoniya arasında siyasi dialoq dinamik inkişaf edir. Prezident İlham Əliyevin Şimali Makedoniya dövlət başçısı ilə keçirdiyi ikinci görüş bu əlaqələrin möhkəmləndiyini göstərir. Energetika sahəsində mühüm addımlar atılıb və artıq Azərbaycan qazı Şimali Makedoniya bazarına çatdırılıb. Bu sözləri açıqlamasında Millət vəkili Naqif Həmzəyev bildirib.
Eyni zamanda, iki ölkə arasında iqtisadi və mədəni sahələrdə əməkdaşlığın genişləndirilməsi üçün tədbirlər görülür. 2023-cü ildə Azərbaycanın Serbiyadakı səfiri Kamil Xasiyev Şimali Makedoniyaya da təyin olunub və əlaqələrin inkişafı istiqamətində mühüm işlər həyata keçirilir. Azərbaycan və Şimali Makedoniya arasındakı tərəfdaşlıq gələcəkdə daha da möhkəmlənəcək.