2024-cü ildə Nazirlər Kabineti iqtisadiyyatın şaxələndirilməsi, qeyri-neft sektorunun inkişafı və regionların sosial-iqtisadi inkişafı istiqamətində mühüm addımlar atmışdır. Xüsusilə, kənd təsərrüfatı və sənaye sahələrində həyata keçirilən layihələr diqqətəlayiqdir. Eyni zamanda, enerji təhlükəsizliyinin təmin edilməsi və bərpa olunan enerji mənbələrinin inkişafı ilə bağlı mühüm tədbirlər görülmüşdür. Bunu martın 14-də Milli Məclisin növbəti plenar iclasında Nazirlər Kabinetinin 2024-cü ildəki fəaliyyəti haqqında geniş hesabatın müzakirələri zamanı deputat Naqif Həmzəyeb bildirib.
Millət vəkili çıxışı zamanı ötən ildə Gəncə şəhərində aparılan abadlıq və quruculuq işləri haqqında ətraflı məlumatı da diqqətə çatdırmışdır: “Şəhərin tarixi və mədəni irsinin qorunması ilə yanaşı, müasir infrastruktur layihələri həyata keçirilmişdir. Gəncə şəhərindəki körpülərin, yolların bərpası, binaların dam örtüklərinin yenilənməsi, yeni parkların salınması və ictimai obyektlərin tikintisi şəhərin inkişafına mühüm töhfə verir. Bu işlər, həmçinin şəhərin turizm potensialını artırır və əhalinin həyat şəraitini yaxşılaşdırır. Tezliklə yeni iş yerlərinin yaradılacağınada ümid edirik.
Naqif Həmzəyev Gəncə şəhərinin Şəmkir rayonu istiqamtində girişində böyük xəstəxana kompleksinin tikildiyini və lazimi tibbi avadanlıqlarla təciz edildiyini vurğulayaraq, həmin müəssisənin hələ də istifadəyə verilmədiyini bildirib: “Gəncə şəhərində fəaliyyət göstərən tibbi müəssiələrdə sıxlıqdir. Cünki tək Gəncə deyil, Qərb regionunda yaşayan vətandaşlarımız da bu xəstəxanaların xidmətlərdən istifadə edirlər. Mən düşünürəm ki, qeyd etdiyim tbbi kompleksi istifadəyə verə bilsək hətta onun bazasında Gəncə Dövlət Universitetinin tibb fakültəsini də aça bilərik”.