Azərbaycan insan haqlarının, hətta daha dəqiq desək, düşmənin haqlarının belə qorunduğu nadir müstəqil ölkələrdən biridir. Təsadüfi deyil ki, Azərbaycanın 30 ilə yaxın 20% torpağını işğal altında saxlayan və xalqımıza qarşı dünyanın ən ağır qətliamlarını törədən erməni terrorçularının da ədalət məhkəməsi önündə fərdi haqları qorunur.
Bəs Azərbaycanda Ombudsmanın hazırkı fəaliyyəti nə yerdədir? İkincisi, Vətən müharibəsində maddi zərər görmüş ailələrin kompensasiyası ödənilirmi?
Bu və digər suallarla bağlı açıqlama verən Milli Məclisin deputatı Naqif Həmzəyev bir neçə məsələyə aydınlıq gətirib.
Deputat ilk öncə Azərbaycanda yeni cəzaçəkmə müəssisələrinin yaradılması haqqında danışıb:
"Cəzaçəkmə müəssisələrində şəraitin yaxşılaşdırılması bizi sevindirir. Xüsusilə də Cənub bölgəsində yeni cəzaçəkmə müəssisəsinin istifadəyə verilməsi cəzaçəkənlərlə yanaşı onların yaxınları üçün də vəziyyəti xeyli dəyişdirib. Azərbaycanın Qərb bölgəsində tikintisi həyata keçirilən cəzaçəkmə müəssisəsinin də tezliklə istifadəyə verilməsini arzu edirik. Bilmək istərdim ki, bu nə zaman reallaşacaq?"
"65 yaşdan yuxarı və 25 ildən çox cəzaçəkən şəxslər var. Əgər mümkündürsə həmin şəxslərin əff edilməsi məsələsi ilə bağlı yanaşmaya da hesabatda toxunulsa yaxşı olardı. Bilirik ki, penitensianar xidmət tərkibində olan tibbi xidmətlərin vəziyyəti xeyli yaxşılaşıb. Çox istərdim ki, tibbi sığorta ilə vətəndaşlara tətbiq edilən bütün imtiyazlar cəzaçəkən şəxslərədə aid edilsin. Bu haqdada vəziyyətə dair hesabatda yer olsa sevinərdik."
Deputat həmçinin qeyd edib ki, 44 günlük Vətən müharibəsinin gedişində Gəncəyə atılan raket atışı nəticəsində əziyyət çəkən insanların böyük əksəriyyətinin problemi həll edilib:
“Amma bəzi ailələrin problemi qalıb. Evinin sənədləri Müdafiə Nazirliyinə aid olan ailələr var ki, dövlət tərəfindən vəsait ayrılsa da onların evi tikilib təhvil verilmir. Bu məsələni Ombudsman nəzarətə götürə bilər. Dövlət pul ayırıb, amma pul xərclənə bilmir”.