Tanınmış aparıcı Hacı Nuran Hüseynov “Instagram” səhifəsində qədim Gəncə şəhəri haqqında xöz sözlər yazıb, YAP Gəncə şəhər təşkilatının yaranmasının 27 illiyi münasibəti ilə partiya üzvlərini təbrik edib:
“Gəncə təkcə tarixi, memarlığı, mətbəxi, dünəni və bu günü ilə tanınmır … Gəncəni yaşadan, məşhurlaşdıran onun oğul qızlarıdır … O oğul-qızları ki hansı sahədə işləməklərindən asılı olmayaraq bütün fəaliyyətlərində ancaq bu qədim şəhərin inkişafı, əhalinin rifahının yaxşılaşması yolunda əllərindən gələni etməyə çalışırlar … Gəncədə tanıdığım, tanıyıb da kəşf etdiyim insanlardan biri Naqif Ələşrəf oğlu Həmzəyevdir @hamzanagif …. YAP Gəncə şəhər təşkilatının sədri olan Naqif Həmzəyev olduqca zəhmətkeş, məsuliyyətli insandır … Çalışdığı sahədə xüsusi nüfuza, hörmətə sahibdir … Bəlkə də elə bu hörmətin nəticəsidir ki, Naqif Həmzəyev bu il Milli Məclisə növbədənkənar deputat seçkilərində növbəti dəfə namizədliyini verdi və xalqın səsini qazandı … İxtisasca tarixçi olan Naqif Həmzəyev Gəncədə doğulmasa da gənclik illərindən taleyini bu qədim şəhərlə bağlayıb … Və o gündən bu günədək Gəncənin dünəni, keçmişi barədə öyrənmək onun məsləyinin əsas qayəsi olub … Yeri gəlmişkən, bu ay YAP Gəncə şəhər təşkilatının yaranmasının 27 ili tamam olur … Bu münasibətlə başda sədr Naqif Həmzəyev olmaqla bütün üzvləri təbrik edir, onlara Heydər Əliyev dühasından bəhrələnərək, İlham Əliyev siyasəti işığında daha gözəl, daha firavan Azərbaycan uğrunda müvəffəqiyyətlər arzulayıram.
Qeyd edək ki, Hacı Nuran Gəncəyə səfəri zamanı şəhərin baş meydanında Ulu Öndər Heydər Əliyevin abidəsini ziyarət edib, Ümummilli liderin yaratdığı Yeni Azərbaycan Partiyasının Gəncə şəhər təşkilatında olub, partiya fəalları ilə maraqlı söhbətlər edib.
