Nazirlər Kabineti yanında Operativ Qərargahın tələb və tövsiyələrinə uyğun olaraq, koronavirus infeksiyasının yarada biləcəyi təhlükənin qarşısının alınması və xüsusi karantin rejiminin tələblərinə əməl olunması məqsədi ilə paytaxtla yanaşı, regionlarda, o cümlədən Gəncə şəhərində də qabaqlayıcı tədbirlər, maarifləndirmə işləri aparılır.
Bunu Azərbaycan Televiziyasının “Hədəf” verilişində canlı yayıma qoşulan Milli Məclisin deputatı Naqif Həmzəyev bildirib.
Verlişin aparıcısı Elnar Məmmədlinin suallarını ətraflı cavablandıran millət vəkili təəssüf hissi ilə qeyd edib ki, hələ də bəzi vətəndaşlar hələ də koronavirus pandemiyasına şübhə ilə yanaşırlar. Görülən bütün tədbirlərə baxmayaraq məsuliyyətsizlik göstərərək, elementar qaydalara əmləl etməyən insanlar əsasən ictimai yerlərdə, ailədaxili, ictimai nəqliyyatda, kütləvi yerlərdə virusa yoluxurlar.
Millət vəkili onu da qeyd edib ki, sərtləşdirilmiş rejimin müddəti koronavirusun yılmasından asılıdır. Virusa qalib gəlməyin yeganə yolu isə məsuliyyətli davranmaq, karantin qaydalarına riayət etməkdən ibarətdir.