Bu gün Azərbaycan birinci vitse-prezidenti Mehriban Əliyevanın doğum günüdür. Birinci xanım, həmçinin Heydər Əliyev Fondunun prezidenti kimi ölkənin ictimai-siyasi həyatında çox önəmli rol oynayır.
Mehriban Əliyevanın rəhbərliyi ilə Fond xalqın problemlərini daim diqqətdə saxlayır, insanların problemlərinin həllində lazımi tədbirlər görür.
.Milli Məclisin İnsan hüquqları komitəsinin deputatı Naqif Həmzəyev açıqlamasında xalqın Mehriban Əliyevaya olan inamı, ümidi və güvənindən danışıb.
“Azərbaycan Respublikasının l vitse-prezidenti Mehriban xanım Əliyeva uzun illərdir Heydər Əliyev Fonduna rəhbərlik edir. Mehriban Əliyevanın rəhbərliyi altında Heydər Əliyev Fondu Azərbaycan həqiqətlərinin dünyaya çatdırılması, Azərbaycan mədəniyyətinin təbliğ etdirilməsi, Azərbaycan xalqının, millətinin tolerant baxışlarının dünyaya çatdırılması ilə bağlı çox böyük işlər görüb. Məhz həm Azərbaycan daxilində, həm ölkə hüdudlarından kənarda həyata keçirilmiş bu böyük humanitar-sosial layihələr Azərbaycana dəstək verən dövlətlərin sayının artması ilə nəticələnib. 44 günlük Vətən müharibəsinin gedişində də biz bu dəstəyi açıq formada hiss etmişik. Bütün bunlarla yanaşı Azərbaycanda sosial layihələrin icra edilməsinə Mehriban xanım Əliyeva birbaşa nəzarət edib. Şəhid və qazi ailələrinin bütün problemlərinin həll edilməsi həm Heydər Əliyev Fondu, həmçinin Əmək və Əhalinin Sosial Müdafiəsi xətti ilə gerçəkləşib. Burada da birbaşa olaraq Mehriban xanım Əliyevanın dəsti-xətti hiss olunur. Mehriban xanım Əliyeva bütün uğurlu layihələrə şəxsən nəzarət edib. Onun sayəsində sosial sahədə çox böyük işlər görülüb”.
Naqif Həmzəyev işğaldan azad edilmiş ərazilərə dönüş prosesində də Mehriban Əliyevanın diqqət, qayğısı olduğunu vurğulayıb.
“Qarabağ və Şərqi Zəngəzur işğaldan azad edildikdən sonra da bu ərazilərin yenidən dirçəldilməsi, yenidən həyatın bərpa edilməsi ilə bağlı cənab prezident İlham Əliyevin rəhbərliyi altında uğurlu işlər həyata keçirilir və Heydər Əliyev Fondu da Mehriban xanım Əliyevanın rəhbərliyi altında bu prosesdən kənarda qalmır. Əsas həlledici layihələrin reallaşmasında Heydər Əliyev Fondu çox böyük işlər görüb, xüsusilə də mədəni, tarixi, dini abidələrin yenidən restavrasiya, bərpa olunması, qurulması məhz Heydər Əliyev Fondu tərəfindən gerçəkləşdirilib. Bir sözlə Mehriban xanım Əliyevanın fəaliyyəti çox şaxəlidir. Mehriban xanım Əliyeva vətəndaşların son ümid yeridir. Demək olar ki, cənab prezident İlham Əliyevdən sonra ən çox müraciət olunan şəxs məhz Mehriban xanım Əliyevadır. Cənab prezidentin həyata keçirdiyi uğurlu fəaliyyətlərin hər birində öz gücünü, səyini əsirgəməyib. Bu səbəbdən də biz son illərdə Azərbaycanın sürətlə inkişafının şahidi olmuşuq. Biz Mehriban xanım Əliyevanın hələ uzun illər səmərəli və məqsədyönlü fəaliyyətinin şahidi olacağıq. Biz inanırıq ki, Mehriban xanım Əliyevanın rəhbərliyi altında bu günə kimi həyata keçirilmiş bütün sosial və humanitar layihələr daha da şaxələnəcək, böyüyəcək. Həmişə olduğu kimi yaxın gələcəkdə də bu cür maraqlı və uğurlu fəaliyyətin şahidi olacağıq. Hər kəs bu fəaliyyətdən nümunə götürərək öz işlərində fərqli və faydalı dönüş edəcək”.
Milli Məclisin deputatı Elşad Mirbəşiroğlu Mehriban Əliyevanın ölkəmizin mədəni,tarixi həyatındakı rolundan söz açıb.
“Mehriban xanım Əliyeva Azərbaycanın ictimai-siyasi həyatında artıq öz imzasını atmış şəxsiyyətdir. Nəzərə almaq lazımdır ki, Heydər Əliyev irsinin qorunub saxlanılmasında, onun təbliği istiqamətində Mehriban xanım Əliyevanın rəhbərlik etdiyi Heydər Əliyev Fondunun əlahiddə rolu var. Məhz Heydər Əliyev Fondunun yaradılmasın əsas motivlərindən biri də o olmuşdur ki, Heydər Əliyev irsi yaşadılsın, daha da tanıdılsın. Çünki məhz Heydər Əliyev ideyaları Azərbaycanın inkişafının təməl prinsiplərini təşkil etməkdədir. Nəzərə almaq lazımdır ki, Azərbaycan mədəni irsinin də qorunub saxlanılmasında, tanıdılmasında Mehriban xanım Əliyevanın böyük rolu vardır. Mehriban xanım Əliyeva həm humanitar sahədə vermiş olduğu töhfələrlə, həm Azərbaycanın Respublikasının l vitse-prezidenti kimi bütün istiqamətlərdə inkişafa yönəlik addımları hər zaman dəstəkləmişdir.
Hər zaman bu istiqamətlərdə inkişafa ciddi töhfə vermişdir. Xüsusi ilə də təkcə ölkə sərhədləri daxilində deyil, beynəlxalq müstəvidə elm,təhsil, mədəniyyət sahələrində dialoqun inkişaf etdirilməsi, qarşılıqlı əlaqələrin qurulması istiqamətində onun xüsusi rolu olmuşdur. Nəzərə almaq lazımdır ki, bu gün humanitar əlaqələrin genişləndirilməsi, dünyanın dinc, təhlükəsiz inkişafının ana prinsiplərindən birini təşkil etməkdədir".
Deputat, həmçinin Birinci xanımın ölkə daxilindəki fəaliyyəti ilə yanaşı xaricdə yaşayan həmvətənlərimiz üçün etdiyi işlərdən söz açıb.
“Həm Azərbaycan xalqının mədəni irisinin, simasının, obrazının dünayada tanıdılması istiqamətində, həm də müxtəlif xalqlar arasında mədəni əlaqələrin genişləndirilməsi istiqamətində Azərbaycan dövlətinin çox böyük rolu olmuşdur. Azərbaycan Respublikası özünün multikultural modelini dünyaya təqdim etməyi bacarmışdır. Azərbaycanda müxtəlif xalqların mədəni irsi olduqca etibarlı şəkildə qorunmaqdadır. Müxtəlif xalqların təmsilçiləri öz milli identiklərini rahat şəkildə qorunmaqdadırlar. Azərbaycanda olduqca səmərəli tolerantlıq mühiti mövcuddur. Bunlar da dövlətimiz tərəfindən həyata keçirilən müvafiq siyasətin uğrunun nəticəsidir. Sözügedən istiqamətdə Mehriban xanım Əliyevanın rəhbərlik etdiyi Heydər Əliyev Fondunun xüsusi təsiri, dəsti-xətti olmuşdur. Azərbaycanda elm, təhsil, səhiyyə sahəsinin inkişafı istiqamətində də Mehriban xanım Əliyevanın rəhbərlik etdiyi fondun çox təsirli rolu olmuşdur. 3 mindən artıq orta ümumitəhsil məktəbləri əsaslı şəkildə təmir edilmiş, yenidən inşa edilərək istifadəyə verilmişdir. Ayrıca olaraq səhiyyə sahəsində Heydər Əliyev Fondunun təşəbbüsü və birbaşa iştirakı ilə müxtəlif xarakterli layihələr həyata keçirilmişdir, bu da ölkədə səhiyyənin inkişafını,əhalinin sağlamlıq vəziyyətinin yaxşılaşdırılmasını şərtləndirmişdir. Müvafiq olaraq Heydər Əliyev Fondunun mərkəzi xətlərindən birini də xeyriyyəçilik təşkil edir. Heydər Əliyev Fondunun xətti ilə çoxsaylı soydaşlarımız öz sağlıqlarına qovuşmuş, onların istər ölkə daxilində, istərsə də xarici ölkələrdə müalicələrinə dəstək olunmuşdur.
Vətən müharibəsindən sonra da qazilərimizin sağlıqlarına qovuşmaları istiqamətində Mehriban xanımın, rəhbərlik etdiyi Heydər Əliyev Fondunun yaxından dəstəyi olmuşdur. Bunlar göstərir ki Mehriban Əliyeva həqiqətən də Azərbaycanın ictimai-siyasi həyatında, ölkənin sosial siyasətinin uğurla həyata keçirilməsində təsirli rol oynamışdır”.